Pahladzicie, jaki pomnik pastavili na mahile pierakładčyka Vasila Siomuchi FOTAFAKT
«Lavon Barščeŭski tolki što paradavaŭ viestkaj: u Pružanach siońnia adkryli pomnik dziadźku Vasilu, pierakładčyku Vasilu Siarhiejeviču Siomuchu», — napisaŭ u Fejsbuku paet i pierakładčyk Andrej Chadanovič.
Vasil Siomucha pamior 3 lutaha 2019 hoda na 84-m hodzie žyćcia. Jon naradziŭsia ŭ 1936-m na chutary Jasieniec Pružanskaha rajona.
Siomucha — aŭtar poŭnaha pierakładu Biblii na biełaruskuju movu. Jon taksama pierakłaŭ dziasiatki aŭtaraŭ ź niamieckaj, polskaj, łatyšskaj, łacinskaj, narviežskaj, ispanskaj moŭ. Słovami Siomuchi pa-biełarusku zahavaryli Hiote, Šyler, Hrymielshaŭzen, Brecht, Ziuskind, Rajnis, Bełšavica, Mickievič, Słavacki, Jeva Pinska… Publikavaŭsia ŭ «Našaj Nivie».
Vasil Siomucha — łaŭreat Dziaržaŭnaj premii Biełarusi, byŭ uhanaravany dziaržaŭnymi ŭznaharodami Niamieččyny i Łatvii. Ź siaredziny 1990-ch jaho, adnak, ihnaravali ŭłady RB, bo jon rezka i adkryta krytykavaŭ aŭtarytarny režym. Vykładaŭ u zabaronienym Biełaruskim licei imia Jakuba Kołasa. Pjesu «Uźlot Artura Ui, jaki možna było spynić» u jaho pierakładzie, poŭnuju paralelaŭ ź biełaruskaj sučasnaściu, źniali z pakazu ŭ RTBD «Volnaja scena».
Ludzi ŭspaminajuć Vasila Siomuchu: «Viečnaja duša była ŭ hetym čałavieku, niešta nieściralnaje staraściu i śmierciu»
-
U Muziei Volnaj Biełarusi pakažuć 19 aryhinalnych litahrafij Napaleona Ordy
-
Cyrulnik i piśmieńnik Siarhiej Kalenda: «Jość ludzi, jakija kažuć: «Paśla takoj knihi ja b nie pajšoŭ da vas stryhčysia»
-
Na dziaržaŭnym telebačańni prahučała «Kupalinka» — jaje vykanaŭ sierbski ijeramanach, jaki šmat hadoŭ žyvie ŭ Biełarusi
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary