Паглядзіце, які помнік паставілі на магіле перакладчыка Васіля Сёмухі ФОТАФАКТ
«Лявон Баршчэўскі толькі што парадаваў весткай: у Пружанах сёння адкрылі помнік дзядзьку Васілю, перакладчыку Васілю Сяргеевічу Сёмуху», — напісаў у Фэйсбуку паэт і перакладчык Андрэй Хадановіч.
Васіль Сёмуха памёр 3 лютага 2019 года на 84-м годзе жыцця. Ён нарадзіўся ў 1936-м на хутары Ясенец Пружанскага раёна.
Сёмуха — аўтар поўнага перакладу Бібліі на беларускую мову. Ён таксама пераклаў дзясяткі аўтараў з нямецкай, польскай, латышскай, лацінскай, нарвежскай, іспанскай моў. Словамі Сёмухі па-беларуску загаварылі Гётэ, Шылер, Грымельсгаўзэн, Брэхт, Зюскінд, Райніс, Бэлшавіца, Міцкевіч, Славацкі, Ева Пінска… Публікаваўся ў «Нашай Ніве».
Васіль Сёмуха — лаўрэат Дзяржаўнай прэміі Беларусі, быў уганараваны дзяржаўнымі ўзнагародамі Нямеччыны і Латвіі. З сярэдзіны 1990-х яго, аднак, ігнаравалі ўлады РБ, бо ён рэзка і адкрыта крытыкаваў аўтарытарны рэжым. Выкладаў у забароненым Беларускім ліцэі імя Якуба Коласа. П'есу «Узлёт Артура Уі, які можна было спыніць» у яго перакладзе, поўную паралеляў з беларускай сучаснасцю, знялі з паказу ў РТБД «Вольная сцэна».
Людзі ўспамінаюць Васіля Сёмуху: «Вечная душа была ў гэтым чалавеку, нешта несціральнае старасцю і смерцю»
-
У Музеі Вольнай Беларусі пакажуць 19 арыгінальных літаграфій Напалеона Орды
-
Цырульнік і пісьменнік Сяргей Календа: «Ёсць людзі, якія кажуць: «Пасля такой кнігі я б не пайшоў да вас стрыгчыся»
-
На дзяржаўным тэлебачанні прагучала «Купалінка» — яе выканаў сербскі іераманах, які шмат гадоў жыве ў Беларусі
Скандал у «Еўраопце». 96‑гадоваму дзядулю не дазволілі прысесці на крэсла каля касы20
Каментары