Alaksandr Łukašenka na pasiadžeńni-naradzie ŭ Nacyjanalnaj akademii navuk zajaviŭ ab zajzdraści Zachadu. Mienavita hetym, na jaho dumku, spravakavanyja nieadekvatnyja dziejańni ŭ dačynieńni da Biełarusi.
«Tak skłałasia histaryčna: našy pośpiechi, naturalna, nie ŭ radaść našym kankurentam, pierš za ŭsio hieapalityčnym. Jany zaŭsiody razdražniali i pravakavali tak zvany kalektyŭny Zachad na nieadekvatnyja ŭ dačynieńni da Biełarusi dziejańni», — cytuje Łukašenku jaho pres-słužba.
Łukašenka padkreśliŭ, što raźvićcio praciahvajecca, nasupierak sankcyjam. Razam z tym situacyja zastajecca składanaj.
«Adnak nasupierak sankcyjam, ź jakimi žyviom i raźvivajemsia ŭvieś hety čas, my šmat čaho dasiahnuli. Ciapier situacyja ŭskładniajecca i pandemijaj kavidu, novym vitkom ekanamičnaha, palityčnaha šantažu, nahniatańniem vajennaj isteryi na biełaruskich miežach», — skazaŭ jon.
A taksama padkreśliŭ važnaść impartazamiaščeńnia ŭ takim kantekście.
«Nami šmat zroblena pa impartazamiaščeńni i raźvićci ekspartu. Choć 20 hadoŭ tamu nie ŭsie razumieli i padtrymlivali maje padychody. I kali b my tady nie spachapilisia, što siońnia rabili b z tak zvanymi sankcyjami?» — skazaŭ Łukašenka.
Litoviec Vitalijus Mockus zaniaŭ pasadu Stryžaka ŭ «Bajsole». Chto heta taki?34
Kamientary