Letaś naturalnaje źmianšeńnie nasielnictva Rasii skłała 1 młn čałaviek. A što ŭ Biełarusi?
Kolkaść pamierłych u Rasii za 2021 hod pieravysiła kolkaść narodžanych na 1,04 młn. Asnoŭnaj pryčynaj stała pandemija.
Śmiarotnaść u 2021 hodzie pavialičyłasia da 2,44 młn čałaviek, a naradžalnaść skłała 1,4 młn čałaviek. U paraŭnańni z 2020 hodam kolkaść pamierłych vyrasła na 320 tysiač čałaviek (z 2,124 młn), z 2019 — bolš čym na 600 tysiač (1,8 młn).
Za košt mihracyjnaha prytoku u 350 tysiač čałaviek źmianšeńnie pastajannaha nasielnictva Rasii za 2021 hod skłała amal 693 tysiačy čałaviek. U apošni raz nasielnictva skaračałasia tak chutka ŭ 2002 hodzie, kali źmianšeńnie skłała 686 tysiač.
Ekśpierty źviazvajuć takoje rezkaje skaračeńnie sa «zvyšśmiarotnaściu ad COVID-19». Z pačatku pandemii ad karanavirusa i jaho nastupstvaŭ pamierła bolš za miljon čałaviek, śviedčać padliki niezaležnych ekśpiertaŭ. Zhodna z aficyjnaj statystykaj, u krainie zafiksavana amal 330 tysiačaŭ śmierciaŭ ad kavidu.
U Biełarusi danyja pa śmiarotnaści schavanyja. U žniŭni minułaha hoda było apublikavanaje daśledavańnie danych, atrymanych ad «Kibierpartyzanaŭ» — chakieraŭ, jakija zajavili pra ŭzłom sistemy «Pašpart» u Biełarusi. Jano pakazvaje, što z sakavika 2020 hoda da sakavika 2021 hoda zališniaja śmiarotnaść u krainie skłała 32 tysiačy čałaviek — u 14 razoŭ bolš, čym paviedamlali ŭłady.
Padčas Pasłańnia narodu 28 studzienia Łukašenka zajaviŭ, što pierachodzić da kantrolu za śmiarotnaściu — praz dva hady ad pačatku pandemii. Nieviadoma, jak jon heta zdoleje — Biełstat kaža, što danyja pa śmiarotnaści navat za 2020 hod pakul nie hatovyja.
U stacyjanarach krainy ŭ 2020 hodzie pamierła na 40% bolš pacyjentaŭ, čym u 2019 hodzie
Letaś upieršyniu z 1939 hoda skaraciłasia nasielnictva Minska. Kali nie ličyć vajny, kaniečnie
Dumajecie, kolkaść piensijanieraŭ u Biełarusi raście? Jana žachliva padaje
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»22
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2828
Kamientary