Śviatłana Cichanoŭskaja stelefanavałasia ź SIEO Ryanair Majkłam O'Liry. Lidar apazicyi zaklikała O'Liry publična padtrymać patrabavańni biełarusaŭ praciahnuć rasśledavańnie incydentu, jaki, na dumku mnohich u śviecie, byŭ spłanavanaj apieracyjaj pa aryšcie apanienta.
Jany taksama abmierkavali abvinavaŭčy akt, vysunuty ŭ ZŠA suprać dvuch supracoŭnikaŭ KDB i dvuch «Biełaeranavihacyi». Im inkryminujecca zmova z metaj ździajśnieńnia akta avijacyjnaha piractva.
SIEO Ryanair pahadziŭsia, što zatrymanyja Raman Pratasievič i Safija Sapieha, jak i ŭsie źniavolenyja pa palityčnych matyvach, pavinny być vyzvalenyja. Pry raźvitańni O'Liry vykazaŭ padtrymku biełarusam i skazaŭ, što chacieŭ by zapuścić rejsy Ryanair u novaj Biełarusi.
Na hetym tydni Śviatłana Cichanoŭskaja taksama nakiravała list prezidentu Savieta ICAO, u jakim zaklikała:
- dadać u dakład ICAO infarmacyju pra toje, što režym naŭmysna sprabavaŭ schavać dokazy, u tym liku pakazańni, pradastaŭlenyja polskim uładam Aleham Halehavym;
- pieradać prezidentu Savieta Biezopanosť AAN dapoŭnieny dakład dla startu rasśledavańnia pa hetaj spravie, pakolki zachop samalota staŭ pahrozaj mižnarodnamu miru i biaśpiecy.
Taksama Cichanoŭskaja źviazałasia z delehacyjami krain, jakija ŭvachodziać u Saviet ICAO, siarod jakich ‒ Brazilija, Vialikabrytanija, Hiermanija, Ispanija, Italija, Kanada, Kałumbija, Mieksika, Nihieryja, ZŠA, Francyja i inšyja. Hetyja kansultacyi patrebnyja, kab 31 studzienia na dyskusii rady ICAO jany vystupili za toje, kab nakiravać dakład staršyni Rady Biaśpieki AAN.
Juryst: Sprava Ryanair nie maje terminu daŭniny, a ŭsich jaje fihurantaŭ zaraz čakajuć «vielmi niaprostyja časy»
«Insceniravali pahrozu vybuchu, kab aryštavać žurnalista-dysidenta». ZŠA raskazali novyja padrabiaznaści incydentu z Ryanair
-
«Nie prosta zapalvajem, a adradžajem tradycyju». Lichtarščyk z Bresta raskazaŭ pra mahiju śviatła, huzik na ŭdaču i staradaŭniuju muzyku
-
U vioscy pad Brestam miascovyja žychary rehularna kanfliktujuć z adpačyvalnikami. Dajšło da abstrełu elektramabila
-
Biełaruś zajmaje druhoje miesca pa papularnaści dla studentaŭ z Rasii
Pavietranaja himnastka pakazała zakuliśsie pracy ŭ Biełdziaržcyrku7
Kamientary