Bolšaść infikavanych «amikronam» — darosłyja ludzi, adnak pavialičvajecca i kolkaść zachvarełych dziaciej. Pra heta zajaviła zahadčyca adździeła epidemijałohii Respublikanskaha centra hihijeny, epidemijałohii i hramadskaha zdaroŭja Ała Daškievič, paviedamlaje ahienctva «Minsk-Naviny».
«Vyniki manitorynhu śviedčać, što zaraz pieravažaje štam «amikron». Naprykład, u Miensku ličba dachodzić da 80%», -— skazała Daškievič.
Akramia taho, jana dadała, što rekamiendujecca admianić viečary sustrečy vypusknikoŭ, jakija pavinny byli prajści ŭ hetuju subotu.
«Ciapier my adznačajem značnaje pavieličeńnie kolkaści chvorych na VRVI i COVID-19. Z ulikam epidsituacyi Ministerstva achovy zdaroŭja nie rekamienduje pravodzić viečary sustreč vypusknikoŭ jak va ŭstanovach adukacyi, tak i ŭ hramadskim charčavańni. Lepš pieranieści mierapryjemstva na bolš poźni pieryjad»,
— padkreśliła śpiecyjalistka.
Kamientary