VIČ taksama madyfikujecca. U Niderłandach vyjaŭlajuć zaražeńni bolš zaraznym i niebiaśpiečnym varyjantam
Navukoŭcy Oksfardskaha ŭniviersiteta vyjavili ŭ Niderłandach 17 vypadkaŭ zaražeńnia novym niebiaśpiečnym varyjantam virusa imunadeficytu čałavieka — bolš zaraznym. I jon akazvaje jašče bolš razburalnaje ŭździejańnie na zdaroŭje čałavieka, piša Bi-bi-si.
Daśledavańnie, vyniki jakoha apublikavanyja ŭ časopisie Science, vyjaviła 17 nośbitaŭ novaha varyjantu virusa: 15 pacyjentaŭ ź Niderłandaŭ, adzin z Šviejcaryi i adzin ź Bielhii. Rasšyfroŭka virusnaha hienomu vyjaviła mnostva mutacyj, raskidanych pa ŭsim łancužku RNK.
Zvyčajna pry adsutnaści nieabchodnaj terapii imunnaja abarona chvoraha pastupova słabieje i na praciahu 6—7 hadoŭ sychodzić na ništo.
Novy varyjant VIČ, jaki atrymaŭ nazvu VB, pryvodzić da taho ž vyniku amal utraja chutčej — usiaho za dva-try hady.
Adna z pryčyn takoha imklivaha raźvićcia — niezvyčajna vysokaja virusnaja nahruzka, to-bok kancentracyja ŭ kryvi chvoraha virusnych čaścinak. U pacyjentaŭ, zaražanych varyjantam VB, jana pieravyšaje pakazčyki «zvyčajnaha» virusa ŭ try-piać razoŭ.
Aŭtary daśledavańnia ŭdakładniajuć, što antyretravirusnyja preparaty, što błakujuć razmnažeńnie virusa ŭ arhaniźmie, vydatna pracujuć i suprać varyjantu VD, tak što, pa ich słovach, padstavy dla paniki niama.
Pry zaražeńni VIČ virus razburaje kletki imunnaj sistemy chvoraha (CD4). U vyniku jaho imunnaja abarona pastupova słabieje, i rana ci pozna infikavany akazvajecca biezabaronny pierad lubymi patahienami. Škodnasnyja hrybki, virusy i bakteryi razmnažajucca ŭ arhaniźmie chvoraha, nie sustrakajučy praktyčna nijakaha supracivu, i tady chvaroba pierachodzić u ŚNID.
Pa dadzienych SAAZ, na płaniecie žyvie amal 38 młn čałaviek, jakim aficyjna pastaŭleny dyjahnaz VIČ, adnak ekśpierty nie sumniajucca, što na samoj spravie infikavanych našmat bolš. Z pačatku epidemii, jakaja pačałasia ŭ 1980-ja, virus zabraŭ pa roznych padlikach žyćci ad 27 da 48 młn čałaviek.
Ciapier čytajuć
Biełaruski čynoŭnik zahavaryŭ pa-biełarusku, čym vielmi ździviŭ i paradavaŭ ludziej3
Kamientary