Alaksieja Navalnaha buduć sudzić znoŭ, pahražaje da 10 hadoŭ źniavoleńnia
Rasijskaha apazicyjnaha palityka Alaksieja Navalnaha, jaki ŭžo hod znachodzicca ŭ źniavoleńni, buduć sudzić znoŭ. Ciapier jaho abvinavačvajuć u čatyroch epizodach machlarstva i dvuch epizodach niepavahi da suda, paviedamlaje TASS.
Razhlad spravy pačniecca 15 lutaha ŭ 10.00. Jaho budzie vieści Lefortaŭski sud Maskvy. Pry hetym, jak značycca ŭ kartcy spravy, pasiadžeńnie budzie vyjaznym i adbudziecca prosta ŭ papraŭčaj kałonii № 2 u Pakrovie Uładzimirskaj vobłaści, dzie Navalny adbyvaje pakarańnie.
«My pakul nie viedajem matyvaŭ takoha rašeńnia, ale jano źjaŭlajecca vielmi niezvyčajnym. Na majoj praktycy takoha nie zdarałasia», — skazała žurnalistam advakat palityka Volha Michajłava.
Sprava ab machlarstvie była raspačataja ŭ kancy 2020 hoda. Navalnaha abvinavacili ŭ tym, što jon nibyta vykraŭ i vydatkavaŭ na asabistyja mety hrošy, achviaravanyja ŭ jahony «Fond baraćby z karupcyjaj» i inšyja fondy. Usiaho takim čynam jon nibyta prysvoiŭ 356 młn rasijskich rubloŭ.
Druhoje abvinavačvańnie, ab niepavazie da sudu, źviazana z abrazaj sudździ Akimavaj, jakaja hod tamu vyniesła prysud Navalnamu pa abvinavačvańni ŭ paklopie na vieterana.
Hetyja dźvie asobnyja spravy pierad padačaj u sud byli abjadnanyja ŭ adnu vytvorčaść. Na dumku advakata palityka, jamu moža pahražać da 10 hadoŭ pazbaŭleńnia voli. Akramia taho, nie vyklučana, što ŭ ramkach hetaj spravy mohuć źjavicca jašče novyja abvinavačvańni.
Alaksiej Navalny byŭ zatrymany 17 studzienia 2021 hoda, ciapier adbyvaje ŭ kałonii pryznačanyja jamu 2 hady i 8 miesiacaŭ pazbaŭleńnia voli. Jahony «Fond baraćby z karupcyjaj» byŭ pryznany ekstremisckaj arhanizacyjaj i zabaronieny ŭ Rasiei, a 25 studzienia Navalnaha i jahonych paplečnikaŭ unieśli ŭ Rasijski pieralik terarystaŭ i ekstremistaŭ.
Čytajcie taksama:
Radyjo Svaboda atrymała zahad ad rasijskich uładaŭ vydalić dziasiatki publikacyj. Nie vykanaje — buduć błakavać
Navat u damašnim stryp-kłubie — dvuchhałovyja arły. Kamanda Navalnaha pakazała sotni fatahrafij z «pałaca Pucina»
Dakumientalny film pra Navalnaha vychodzić na HBO
«Meta — złamać čałavieka». Byłyja źniavolenyja kałonii ŭ Pakrovie raspaviali pra ździeki z Alaksieja Navalnaha
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary