U Ijerusalimie va ŭzroście 82 hadoŭ pamior Jakaŭ Basin — lekar, historyk, kulturołah, publicyst i dziejač jaŭrejskaj hramady ŭ Biełarusi, paviedamlaje Radyjo Svaboda.
Jakaŭ Basin skončyŭ Minski miedycynski instytut, šmat hadoŭ pracavaŭ lekaram, vydaŭ niekalki navukovych prac pa miedycynie.
U 1960-ja byŭ adnym z arhanizataraŭ minskaha džaz-kłuba, aŭtaram pieradač pa historyi džazu na biełaruskim telebačańni. Byŭ adnym z tych, chto zasnavaŭ Biełaruski klub viasiołych i znachodlivych, druhi pryzior čempijanata SSSR (1967—1968).
Z druhoj pałovy 1980-ch Jakaŭ Basin zajmaŭsia pravaabarončaj i hramadskaj dziejnaściu ŭ jakaści aktyvista jaŭrejskaj hramady ŭ Biełarusi.
Jon byŭ sustaršynioj Sajuza jaŭrejskich hramadskich abjadnańniaŭ i hramadaŭ Biełarusi, kiraŭnikom minskaj hramady prahresiŭnaha iŭdaizmu. Aŭtar daśledavańniaŭ pa historyi biełaruskaha jaŭrejstva, udzielnik šmatlikich navukovych i hramadskich mižnarodnych kanfierencyj. Uznačalvaŭ biełaruskaje pradstaŭnictva amierykanskaj hramadskaj arhanizacyi «Sajuz kamitetaŭ u abaronu byłych savieckich jaŭrejaŭ».
Vystupaŭ z pratestami suprać prajaŭ dziaržaŭnaha antysemityzmu, udzielničaŭ u kanhresach ABSIE pa baraćbie z ksienafobijaj i antysiemityzmam.
U 2015 hodzie Jakaŭ Basin braŭ udzieł u pieršym Biełaruskim hramadskim trybunale nad stalinizmam, jaki pravodzili mižnarodnaja pravaabarončaja hramadskaja arhanizacyja «Miemaryjał» razam ź inicyjatyvaj «Za ŭratavańnie Kurapataŭ».
U červieni 2021 hoda Jakaŭ Basin razam z čatyrma dziasiatkami vychadcaŭ ź Biełarusi padpisaŭ zvarot da novaha ministra zamiežnych spraŭ Izraila Jaira Łapida z zaklikam vykazać pazicyju Izraila ŭ dačynieńni da situacyi ŭ Biełarusi.
Jakaŭ Basin pachavany na ijerusalimskich mohiłkach u rajonie Hivat Šaul, paviedamlaje newsru.co.il.
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary