Śviet

Navalny z turmy: Pucinskija marazmatyki navat ideałohii nie majuć — tolki pastajannuju i nieprychavanuju chłuśniu

Rasijski apazicyjanier Alaksiej Navalny, jaki ciapier adbyvaje pakarańnie ŭ rasijskaj kałonii i sudzicca pa novym abvinavačvańni, zdoleŭ vykazacca, što jon dumaje pra ŭčarašniaje pryznańnie Pucinym «DNR» i ŁNR». Jahonaje mierkavańnie apublikavana ŭ sacsietkach palityka. 

Navalny piša:

«Ja hladzieŭ učora na «pasiadžeńnie Savieta biaśpieki», heta zboryšča marazmatykaŭ i złodziejaŭ (zdajecca, naš FBK rabiŭ rasśledavańnie karupcyi kožnaha ź ich), i dumaŭ pra takoje ž zboryšča namienkłaturnych marazmatykaŭ z Palitbiuro CK KPSS, jakija prykładna voś hetak ža sama, praz ułasny kapryz, ujaŭlajučy siabie hieapalitykami za «vialikaj šachmatnaj doškaj», pryniali rašeńnie ab uvodzie savieckich vojskaŭ u Afhanistan.

Vynikam stali sotni tysiač achviar, traŭmy cełych nacyj, nastupstvy jakich nie možam pieraadoleć ni my sami, ni Afhanistan, i ŭźniknieńnie adnoj z klučavych pryčyn razvału SSSR.

Tyja marazmatyki z Palitbiuro prykryvalisia dvudušnaj ideałohijaj. Hetyja pucinskija marazmatyki navat i ideałohii nie majuć — tolki pastajannuju i nieprychavanuju chłuśniu.

Jany navat nie abciažarvajuć siabie tym, kab ichni casus belli mieŭ choć by najmienšuju praŭdapadobnaść. I tym, i hetym treba adno: adciahvańnie ŭvahi naroda Rasii ad realnych prablem — raźvićcia ekanomiki, rostu cenaŭ, biezzakońnie, jakoje ŭsiudy panuje — i pieraklučeńnie jaho ŭ farmat «impierskaj isteryki».

Vy daŭno hladzieli naviny fiederalnych kanałaŭ? Ja voś hladžu tolki ich i zapeŭnivaju vas, tam naohuł niama navin pra Rasiju. U litaralnym sensie. Ad pieršaj da apošniaj naviny: Ukraina — ZŠA — Jeŭropa.

Hołaj prapahandy marazmatykam i złodziejam užo nie chapaje. Im chočacca kryvi. Chočacca tankavyja fihurki paruchać na karcie bajavych dziejańniaŭ.

I voś — kiraŭnik Palitbiuro XXI stahodździa vystupaje z sapraŭdy varjackaj pramovaj. Samuju dakładnuju mietafaru pra jaje daŭ, viadoma, tvitar: «Nu čysta moj dzied napiŭsia na siamiejnym śviacie i dastaje ŭsich svaim raspoviedam pra toje, jak na samoj spravie ŭładkavanaja suśvietnaja palityka».

Było b śmiešna, kali b pjanym dziedam nie byŭ čałaviek 69 hadoŭ, jaki ŭtrymlivaje ŭładu ŭ krainie ź jadziernaj zbrojaj.

Zamianicie «Ukrainu» ŭ jaho pramovie na «Kazachstan», «Biełaruś», «krainy Bałtyi», «Azierbajdžan», «Uźbiekistan» i hetak dalej, uklučajučy navat «Finlandyju». I padumajcie, kudy dalej paniasie hieapalityčnaja dumka dzieda-marazmatyka.

Usio heta vielmi drenna skončyłasia dla ŭsich u 1979 hodzie. I ciapier skončycca drenna. Afhanistan byŭ razburany, ale i SSSR atrymaŭ śmiarotnuju ranu. Pa vinie Pucina ŭžo ciapier mohuć zahinuć sotni, a ŭ dalejšym — dziasiatki tysiač ukraincaŭ i hramadzian Rasii.

Tak, jon nie daść Ukrainie raźvivacca, paciahnie jaje ŭ bałota, ale i Rasija zapłacić takuju ž canu.

U nas usio jość dla mahutnaha raźvićcia ŭ XXI stahodździ — ad nafty da adukavanych hramadzian, — ale my znoŭ prasadzim, rastracim histaryčny šaniec na narmalnaje bahataje žyćcio dziela vajny, brudu, chłuśni i pałaca z załatymi arłami ŭ Hielendžyku.

Pucin i jahonyja złodziei-marazmatyki z Rady Biaśpieki i «Adzinaj Rasii» — vorahi Rasii i jaje hałoŭnaja pahroza, a nie Ukraina i nie Zachad. Pucin zabivaje i choča zabivać bolš. Kreml robić vas biadniejšymi, a nie Vašynhton. Heta nie ŭ Łondanie tak viaduć ekanamičnuju palityku, što «barščavy nabor» piensijaniera padaražeŭ udvaja, a ŭ Maskvie.

Zmahacca za Rasiju, ratavać jaje — heta zmahacca za adchileńnie Pucina i jahonych kleptakrataŭ ad ułady. Ale ciapier heta aznačaje i banalnaje «zmahacca za mir».

Kamientary

Ciapier čytajuć

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja6

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja

Usie naviny →
Usie naviny

«Majem adnu važnuju začepku». Rasśledavalniki praciahvajuć pošuk Mielnikavaj5

Biełaruski viertalot namahaŭsia źbić dron, što zalacieŭ u Litvu11

Alaksandr Hleb nie vykazvaje publičnaj niazhody z Łukašenkam, bo heta moža paciahnuć nastupstvy dla jaho siamji11

«Sprabavaŭ vyłavić kiepku». Na Minskim mory amal sutki šukajuć mužčynu, jaki vypaŭ za bort jachty

U Biełarusi aktyŭna budujuć dziaržaŭnyja majninhavyja fiermy. Jany dapamohuć padniać ekanomiku?7

Cichanoŭski: Paźniak zvarjacieŭ, škada čałavieka150

U Biełarusi ŭviaduć adkaznaść za hiej-prapahandu. Štraf — da 800 rubloŭ5

Maskoŭskaje «Tarpieda», jakoje treniruje biełaruski śpiecyjalist, vyklučyli z Rasijskaj premjer-lihi

U Litvu z terytoryi Biełarusi zalacieŭ niejki aparat. Spačatku padumali — šachied4

bolš čytanych navin
bolš łajkanych navin

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja6

Kab doŭha nie stajać na miažy z Polščaj, dziaŭčyna skarystałasia łajfchakam. Vynik: viza zhareła, vandroŭka sapsavanaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić