U kałonii adpravili tolki 27% karupcyjanieraŭ. A 67% adpuścili dadomu
Viarchoŭny sud Biełarusi apublikavaŭ statystyku sudoŭ za karupcyju ŭ pieršym paŭhodździ 2025 hoda. Ahułam prysudy byli vyniesieny 304 karupcyjanieram.
Niahledziačy na strohaje zakanadaŭstva, samaje častaje pakarańnie dla karupcyjanieraŭ — adterminoŭka pakarańnia. Jaho atrymali 104 čałaviek. Heta značyć, što za imi buduć nazirać hod-dva. I kali ŭ siłavikoŭ pretenzij da ich nie budzie, to i adbyvać pakarańnie nie treba.
84 karupcyjaniery (27%) byli prysudžanyja da pakarańnia ŭ kałonijach.
80 čałaviek adpravili na chatniuju chimiju.
20 karupcyjanieraŭ atrymali ŭmoŭnyja terminy.
7 čałaviek pajeduć na chimiju z nakiravańniem.
Što vyrašyli rabić jašče z 9 karupcyjanierami, nie paviedamlajecca. Jak minimum adzin ź ich abmiežavaŭsia tolki štrafam.
Pad karupcyjnymi złačynstvami razumiejuć kradziež šlacham złoŭžyvańnia słužbovymi paŭnamoctvami, atrymańnie chabaru, pieravyšeńnie ŭłady, złoŭžyvańnie ŭładaj, daču chabaru, złoŭžyvańnie ŭładaj, biaździejańnie ŭłady, pasrednictva ŭ chabarnictvie.
Kamientary