Śviet

U Litvie dumajuć nie pra admienu, a pra pašyreńnie sankcyj suprać Biełarusi 

Na fonie dyskusij pra mahčymaść adnaŭleńnia tranzitu biełaruskich uhnajeńniaŭ praź Litvu ministr zamiežnych spraŭ hetaj krainy Kiastucis Budrys raskrytykavaŭ publičnyja acenki situacyi, śćviardžajučy, što jany škodziać Litvie. Jon taksama padkreśliŭ, što pytańnie źmiakčeńnia sankcyj ci adnaŭleńnia tranzitu ŭhnajeńniaŭ u hety momant zusim nie razhladajecca, piša Delfi.

Kiastucis Budrys. Fota: AP Photo/Mindaugas Kulbis

«Ja jašče raz padkreślivaju, što nijakija pracesy, źviazanyja ź pierahladam sankcyjnaj palityki i kankretnych mier u dačynieńni da Biełarusi, ciapier nie adbyvajucca. Naadvarot, my razhladajem, jak pašyryć hetaje koła i jakija jašče miery ŭździejańnia varta prymianić», — zajaviŭ Kiastucis Budrys 30 lipienia žurnalistam u budynku ŭrada.

Jon padkreśliŭ, što nieadnarazova vykazvaŭ svaju pazicyju jak na zakrytych, tak i na adkrytych pasiadžeńniach.

«Škada, što členy Siejma, jakija raspaŭsiudžvajuć čutki biez usialakich padstaŭ, nie prychodziać na pasiadžeńni, dzie možna było b abmierkavać situacyju, a zamiest hetaha stvarajuć iluziju, byccam niešta adbyvajecca», — adkinuŭ ministr śpiekulacyi.

Budrys nie ŭdakładniŭ, jak vyhladaje prapanova kampanii Birių krovinių terminalas (Terminał nasypnych hruzaŭ), jakaja lažyć u kancylaryi ŭrada, adnosna mirnaha ŭrehulavańnia spraŭ z «Biełaruśkalijem». Pavodle słoŭ ministra, publičnyja kamientary škodziać pazicyjam Litvy ŭ mižnarodnaj arbitražnaj spravie, jakaja razhladajecca akurat ciapier.

Premjer-ministr Litvy Hintaŭtas Pałuckas niadaŭna taksama zajaviŭ, što ŭrad Litvy pa stanie na hety momant nie razhladaje pytańnie adnaŭleńnia tranzitu ŭhnajeńniaŭ.

Kamientary

Ciapier čytajuć

Polšča adkryvaje miažu ź Biełaruśsiu57

Polšča adkryvaje miažu ź Biełaruśsiu

Usie naviny →
Usie naviny

Jak Stakholm pieramoh zatory biez abureńnia žycharoŭ8

«Załaty miač» atrymaŭ francuzski napadnik Usman Dembiele

Aeraporty Danii i Narviehii prypyniali pracu praz źjaŭleńnie vialikich dronaŭ9

Pucin daŭ rasijskaje hramadzianstva byłoj pamočnicy Bajdena7

Čynoŭnik ad turyzmu narakaje, što ŭ Biełarusi vielmi kiepskija hateli2

U Minsku zaŭvažyli dziŭny aŭtamabil, bitkom nabity ludźmi i poni2

«Zołatava ŭ kałonii ŭ aŭtarytecie, jana vydatnaja švačka»3

Ukrainskija drony atakavali Maskvu5

Sikorski — Rasii: Paśla nie nyjcie. My vas papiaredzili33

bolš čytanych navin
bolš łajkanych navin

Polšča adkryvaje miažu ź Biełaruśsiu57

Polšča adkryvaje miažu ź Biełaruśsiu

Hałoŭnaje
Usie naviny →

Zaŭvaha:

 

 

 

 

Zakryć Paviedamić