Ukraina dabiłasia, kab pieramovy adbylisia nie ŭ Biełarusi, a na miažy Ukrainy i Biełarusi
Pradstaŭnik Rasii Miadzinski zajaviŭ, što «Rasija hatovaja pravodzić pieramovy z Ukrainaj z metaj dasiahnieńnia miru ŭ luby čas», chacia raniej Maskva zajaŭlała, što pieramovy mohuć adbycca tolki ŭ Biełarusi i što rasijskaja delehacyja budzie čakać tolki da 15:00.
U samoj prapanovie pravodzić pieramovy nie na niejtralnaj terytoryi, a na terytoryi Biełarusi, vasała Rasii, faktyčna, akupavanaha rasijskimi vojskami, ź Biełarusi nanosilisia ŭdary pa Ukrainie, kryłasia forma prynižeńnia. Maskva choča kapitulacyi Ukrainy, nie mirnych pieramovaŭ.
U toj ža čas niečakana ŭparty supraciŭ ukraincaŭ i ćviordaść kiraŭnictva krainy sarvali blickryh. Na 4-y dzień vajny rasijskija siły nie kantralujuć nivodnaha abłasnoha centra Ukrainy, choć u Maskvie raźličvali na padzieńnie Ukrainy za 1—4 dni paśla ŭvarvańnia. Amierykanskaja raźviedka taksama pradkazvała padzieńnie Kijeva, jaki znachodzicca ŭsiaho za 90 km ad miažy, za 48—96 hadzin paśla pačatku apieracyi, ale hetaha nie adbyłosia. Rasijskija vojski niasuć ciažkija straty, i dla dalejšaha praryvu ŭkrainskaj abarony im moža spatrebicca ŭstupleńnie ŭ boj biełaruskaj armii, čaho Łukašenka, zdajecca, imknuŭsia ŭniknuć.
Kamientary