Biełaruskaja kinasupolnaść patrabuje nieadkładna spynić vajnu va Ukrainie
Bolš za 80 pradstaŭnikoŭ biełaruskaha niezaležnaha kino i kinaindustryi vystupili ŭ adkrytym zvarocie z asudžeńniem vajskovaj ahresii Rasii suprać Ukrainy.
«My aburanyja tym, što rasijski ahresar vykarystoŭvaje našu terytoryju dla zapusku śmiarotnych rakiet va Ukrainu, — padkreślivajuć kiniematahrafisty ŭ adkrytym liście.
Šmat biełaruskich kiniematahrafistaŭ vitali i padtrymlivali va Ukrainie paśla represij, jakija my pieražyli ŭ 2020 hodzie. My vykazvajem mocnuju salidarnaść sa śmiełym ukrainskim narodam, jaki biasstrašna zmahajecca za svabodu svajoj krainy. Jak ludzi mastactva, my vyrazna bačym roźnicu pamiž dabrom i złom. U realnym žyćci niama miesca złu.
My patrabujem ad rasijskich vojskaŭ pakinuć terytoryju Ukrainy i Biełarusi.
My patrabujem nieadkładna spynić vajnu.
Słava Ukrajini!»
Siarod tych, chto padpisaŭsia pad zvarotam, — režysior stužki «Kuraž» Alaksiej Pałujan, dyrektarka fiestyvalu Paŭnočnych i Bałtyjskich krain «Paŭnočnaje źziańnie» Vola Čajkoŭskaja, režysior dakumientalnych filmaŭ «Kali kvietki nie maŭčać», «Stryptyz i vajna», «Abdymkaŭ treba mnie tvaich…» Andrej Kuciła, stvaralnica našumiełaj karciny «Kryštal» Darja Žuk, aŭtarka stužki «II» Ułada Siańkova, były prahramny dyrektar kinafiestyvalu «Listapad» Ihar Sukmanaŭ, kinakrytyki Maksim Žbankoŭ, Irena Kaciałovič, Taras Tarnalicki dy inšyja pradstaŭniki supolnaści.
Podpisy pad zvarotam dadajucca.
Kamientary