Lidary hałoŭnaj prarasijskaj palityčnaj siły va Ukrainie padtrymali svaju dziaržavu
Deputaty prarasijskaj ukrainskaj partyi «OPZŽ» zajavili, što buduć dapamahać uładam, a niekatoryja siabry partyi zapišucca ŭ šerahi terytaryjalnaj abarony.
U partyi vyrašyli padtrymać «usimi dastupnymi šlachami namahańni orhanaŭ ułady pa abaronie, biaśpiecy dziaržavy i hramadzian va ŭmovach vajennaha stanovišča».
Taksama ŭ partyi vyrašyli ŭskłaści vykanańnie abaviazkaŭ staršyni partyi na Juryja Bojku.
Sam Bojka ŭ sacsietkach zajaviŭ, što jany «buduć abaraniać Ukrainu».
«My asudžajem ahresiju rasijskaj armii suprać našaj krainy. Členy OPZŽ masava zapisvajucca ŭ terytaryjalnuju abaronu, kab achoŭvać abjekty krytyčnaj infrastruktury, žyćcio hramadzian i zmahacca z maradziorami».
Kamientary