Лідары галоўнай прарасійскай палітычнай сілы ва Украіне падтрымалі сваю дзяржаву
Дэпутаты прарасійскай украінскай партыі «ОПЗЖ» заявілі, што будуць дапамагаць уладам, а некаторыя сябры партыі запішуцца ў шэрагі тэрытарыяльнай абароны.
У партыі вырашылі падтрымаць «усімі даступнымі шляхамі намаганні органаў улады па абароне, бяспецы дзяржавы і грамадзян ва ўмовах ваеннага становішча».
Таксама ў партыі вырашылі ўскласці выкананне абавязкаў старшыні партыі на Юрыя Бойку.
Сам Бойка ў сацсетках заявіў, што яны «будуць абараняць Украіну».
«Мы асуджаем агрэсію расійскай арміі супраць нашай краіны. Члены ОПЗЖ масава запісваюцца ў тэрытарыяльную абарону, каб ахоўваць аб'екты крытычнай інфраструктуры, жыццё грамадзян і змагацца з марадзёрамі».
Каментары