Patok biežancaŭ z Ukrainy trochi źmienšyŭsia. Adnak ułady Varšavy i Krakava zajaŭlajuć, što ich resursy na miažy
Za minułyja sutki 75 tysiač ukraincaŭ pakinuli krainu praz kantrolna-prapusknyja punkty na zachodniaj miažy. Bolšaja častka — 49 tysiač — adpravilisia ŭ Polšču. Usiaho Ukrainu za 16 dzion pakinuli 2 miljony 600 tysiač čałaviek.
Polskija ŭłady, sa svajho boku, paviedamili ŭ subotu, što pryniali 1,6 młn uciekačoŭ za čas vajny. Pavodle acenak daśledčykaŭ Varšaŭskaha ŭniviersiteta, kala miljona ŭkraincaŭ zastalisia ŭ Polščy, astatnija adpravilisia ŭ inšyja jeŭrapiejskija krainy.
Haradskija ŭłady Varšavy i Krakava kažuć, što ich resursy na miažy, i biez dadatkovaj dapamohi jany nie zmohuć raźmiaścić novych uciekačoŭ.
Mer stalicy skazaŭ u piatnicu, što praz Varšavu prajšli ŭžo 320 tysiač ukraincaŭ i 230 tysiač zastalisia — heta paraŭnalna z 10% haradskoha nasielnictva da vajny va Ukrainie.
Patok biežancaŭ u piatnicu trochi skaraciŭsia ŭ paraŭnańni z čaćviarhom, adznačyli i palaki, i ŭkraincy. Čerhi minimalnyja navat na polskim učastku, adnak pahransłužba Ukrainy ŭsio roŭna raić hramadzianam karystacca alternatyŭnymi pierachodami na miažy ź Vienhryjaj, Słavakijaj, Rumynijaj i Małdovaj.
U zvarotnym kirunku — ź ES va Ukrainu — pamiežniki za minułyja sutki prapuścili 900 mašyn z humanitarnymi hruzami i 18 tysiač čałaviek, u tym liku 15 tysiač ukraincaŭ.
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha2
Kamientary