Da 7 hod asudzili padpałkoŭnika SK u adstaŭcy, jaki mieŭ dačynieńnie da «Čornaj knihi»
Siońnia ŭ Minskim haradskim sudzie sudździa Alena Ananič prysudziła 7 hadoŭ pazbaŭleńnia voli padpałkoŭniku Śledčaha kamiteta ŭ adstaŭcy Viačasłavu Kandybie.
Jaho pryznali vinavatym pa č.3 art.130 (raspalvańnie varožaści) i č.1 art.203 (niezakonny zbor i raspaŭsiud źviestak ab pryvatnym žyćci).
Jak viadoma «Našaj Nivie», Kandybu vinavacili ŭ tym, što jon nibyta pieradavaŭ infarmacyju supołcy «Čornaja kniha Biełarusi», u jakoj fiksujucca ludzi, jakija majuć dačynieńnie da parušeńnia zakonnaści i represij u Biełarusi.
Represii zakranajuć siłavikoŭ, jakija tym ci inšym čynam dapamahali ruchu za svabodnyja vybary i adnaŭleńnie zakonnaści.
Taksama Kandybu pazbavili zvańnia padpałkoŭnika justycyi.
Nam viadoma, što sa słužby Kandyba syšoŭ 7 hod tamu. Ën słužyŭ u milicyi, ź ciaham času pieravioŭsia ŭ Śledčy kamitet i tam dasłužvaŭ.
«Pajšoŭ słužyć u milicyju ŭ vielmi ciažki čas, kali i bandytyzm byŭ, nu, sami razumiejecie… Škołu skončyŭ z załatym miedalom, prablem u kalektyvie ŭ jaho nie było ni padčas vučoby ŭ kazarmie, ni paśla taho. Sumlenny čałaviek ź vialikim sercam. Maje stareńkuju chvoruju maci, jakoj ŭžo daŭno za 70», — takuju charaktarystyku na Kandybu dali sasłužyŭcy.
-
«Kali ŭžo siudy prylacić ukrainskaja rakieta!» Vyzvaleny žurnalist Jaŭhien Mierkis raskazaŭ pra škłoŭskuju kałoniju
-
«ZŠA chočuć narmalizacyi litoŭska-biełaruskich adnosin. Adsiul i ruchi z ofisam Cichanoŭskaj»
-
U Biełarusi adkryli pieršuju kaplicu ŭ miežach akcyi vieteranaŭ FSB — na małoj radzimie Alesia Puškina
Ciapier čytajuć
«Kali ŭžo siudy prylacić ukrainskaja rakieta!» Vyzvaleny žurnalist Jaŭhien Mierkis raskazaŭ pra škłoŭskuju kałoniju1
Kamientary