Pankaviec: Łukašenka budzie praciahvać vicca jak vuž na patelni
33 dni vajny, i rasijskaja armija adstupaje z-pad Kijeva. «Prapahanda, a časam i my za joj, šmat hadoŭ sprabavała vystavić Ukrainu «bananavaj respublikaj», mabyć, na hetym i trymaŭsia mif ab tym, što rasijskaja armija voźmie Kijeŭ za try-čatyry dni, jaki ahučvaŭ Łukašenka ŭ intervju Sałaŭjovu», piša ŭ siabie ŭ fejsbuku žurnalist Źmicier Pankaviec.
«Na spravie ž my ŭbačyli ŭstojlivaje ŭtvareńnie, dzie ŭ vajenny čas vydatna funkcyjanujuć usie dziaržaŭnyja instytuty», — dadaje pra Ukrainu žurnalist.
Voś jašče šeść vysnoŭ Pankaŭca.
1. Asabistaja mužnaść Zialenskaha, jaki zastavaŭsia ŭ Kijevie navat u tyja dni, kali zdavałasia, što šturm ukrainskaj stalicy — heta pytańnie času.
Za ŭvieś hety pieryjad Zialenski nie «zaskvaryŭsia» nivodnaha razu, hodna vykonvajučy svaje funkcyi. I jak pavodziny ŭkrainskaha lidara, kaniečnie, kantrastujuć ź dziejańniami dzieda z bunkiera.
2. Va Ukrainie amal nie akazałasia zdradnikaŭ.
Što taksama abviarhaje mif ab tatalnaj karumpavanaści ŭkrainskaha hramadstva.
3. Najmacniejšyja rehijanalnyja lidary stanoviacca nadzvyčaj papularnymi postaciami va Ukrainie.
I havorka nie tolki pra raśpijaranaha niašku Vitala Kima. Hodnyja lidary źjaŭlajucca amal va ŭsich abłaściach, dzie iduć bajavyja dziejańni.
4. Łukašenka budzie praciahvać vicca jak vuž na patelni, kab nie ŭvodzić biełaruskaj armii va Ukrainu.
I jak by paradaksalna ni hučała, ale čym daŭžej budzie prachodzić apieracyja, tym bolej šancaŭ, što jamu heta ŭdasca. Tym nie mienš, heta nie zmyje haniebnaj plamy ź jaho, što rasijskija rakiety lacieli na terytoryju Ukrainy ź biełaruskaj terytoryi.
5. Dla ŭkraincaŭ heta sapraŭdy «śviaščennaja vajna», dzie zahinułyja za niezaležnaść i cełasnaść krainy — heta hieroi, jakich čakaje Valhała.
Dla Rasii navat na aficyjnym uzroŭni — heta haniebnaja śpiecapieracyja. Tamu achviar vajny ŭ Rasii chavajuć amal tajemna, kab daviedałasia jak maha mieniej ludziej, pra niejkija ŭšanavańni havaryć uvohule nie davodzicca.
6. Sotni biełaruskich dobraachvotnikaŭ ratujuć honar našaj krainy. Schilaju hałavu pierad ichniaj śmiełaściu.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary