Adbyłasia čarhovaja, užo 18-ja pa liku z pačatku hoda telefonnaja razmova prezidentaŭ Rasii i Francyi Uładzimira Pucina i Emanuela Makrona. Jana praciahvałasia kala hadziny.
Pavodle kramloskaj viersii adnosna źmiestu razmovy:
«Prezident Rasii padrabiazna prainfarmavaŭ pra toje, jakija zachady prymajucca rasijskimi vajskoŭcami pa nadańni nieadkładnaj humanitarnaj dapamohi i zabieśpiačeńni biaśpiečnaj evakuacyi hramadzianskich asob, u tym liku z Maryupala. Padkreślena, što dla vyrašeńnia ciažkaj humanitarnaj situacyi ŭ hetym horadzie ŭkrainskija bajeviki-nacyjanalisty pavinny spynić supraciŭ i skłaści zbroju».
Niekalki dzion tamu Makron abviaściŭ, što maje namier damahacca ad Pucina mahčymaści pravieści sumiesnuju z Hrecyjaj i Turcyjaj humanitarnuju apieracyju ŭ Maryupali. U paviedamleńni jahonaj pres-słužby paśla razmovy kanstatujecca, što ŭmovy dla zapusku humanitarnaj apieracyi dla evakuacyi žycharoŭ Maryupala «na dadzienym etapie nie skłalisia».
Praŭda, pavodle zajavy Jelisiejskaha pałaca, francuzski prezident pradstaviŭ płan apieracyi Pucinu i toj adkazaŭ, «što padumaje pra heta».
«Zakranalisia taksama pytańni, źviazanyja z rašeńniem ab pierachodzie da apłaty rasijskimi rublami pastavak pryrodnaha hazu z Rasii, u pryvatnaści, u krainy Jeŭrasajuza», — paviedamiła pres-słužba Kramla.
Na heta Makron, pavodle jahonaj pres-słužby, paviedamiŭ prezidentu Rasii, što płacić za hazavyja kantrakty ŭ rublach niemahčyma.
Hetym usio pakul i skončyłasia. Praciah, vidać, budzie.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»24
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary