Адбылася чарговая, ужо 18-я па ліку з пачатку года тэлефонная размова прэзідэнтаў Расіі і Францыі Уладзіміра Пуціна і Эмануэля Макрона. Яна працягвалася каля гадзіны.
Паводле крамлёскай версіі адносна зместу размовы:
«Прэзідэнт Расіі падрабязна праінфармаваў пра тое, якія захады прымаюцца расійскімі вайскоўцамі па наданні неадкладнай гуманітарнай дапамогі і забеспячэнні бяспечнай эвакуацыі грамадзянскіх асоб, у тым ліку з Марыупаля. Падкрэслена, што для вырашэння цяжкай гуманітарнай сітуацыі ў гэтым горадзе ўкраінскія баевікі-нацыяналісты павінны спыніць супраціў і скласці зброю».
Некалькі дзён таму Макрон абвясціў, што мае намер дамагацца ад Пуціна магчымасці правесці сумесную з Грэцыяй і Турцыяй гуманітарную аперацыю ў Марыупалі. У паведамленні ягонай прэс-службы пасля размовы канстатуецца, што ўмовы для запуску гуманітарнай аперацыі для эвакуацыі жыхароў Марыупаля «на дадзеным этапе не склаліся».
Праўда, паводле заявы Елісейскага палаца, французскі прэзідэнт прадставіў план аперацыі Пуціну і той адказаў, «што падумае пра гэта».
«Закраналіся таксама пытанні, звязаныя з рашэннем аб пераходзе да аплаты расійскімі рублямі паставак прыроднага газу з Расіі, у прыватнасці, у краіны Еўрасаюза», — паведаміла прэс-служба Крамля.
На гэта Макрон, паводле ягонай прэс-службы, паведаміў прэзідэнту Расіі, што плаціць за газавыя кантракты ў рублях немагчыма.
Гэтым усё пакуль і скончылася. Працяг, відаць, будзе.
Міліцыя схавала галоўнае — магілёўскі маньяк-ліфцёр ужо сядзеў за згвалтаванне. Але яго не праверылі на датычнасць да забойстваў3
Каментары