Puščanaja rasijskimi resursami pahałoska, što Minsk sarvaŭ manieŭry ADKB, akazałasia «vutkaj». Piša ŭ svaim błohu na NN Alaksandr Kłaskoŭski.
Puščanaja rasijskimi resursami pahałoska, što Minsk sarvaŭ manieŭry ADKB «Uzajemadziejańnie-2009», akazałasia «vutkaj». U pres-słužbie hetaj arhanizacyi BiełaPAN paviedamili: viny Biełarusi niama, pieranos čysta techničny.
Takim čynam, čarhovy kamień u harod Łukašenki varta razhladać u kantekście psichałahičnaj vajny, jakuju viadzie Maskva.
Z hetaj ža opiery — demanstratyŭny pryjom u Dumie apošnim časam čarady minskich apazicyjnych dziejačaŭ: Kazulin, Laŭkovič, Labiedźka — chto tam nastupny zapisany? Kreml ciśnie na psichiku, namiakaje, što moža razhulać svoj scenar na čarhovych vybarach.
Na dumku analityka Alaksandra Alesina, niadaŭni vajaž u Minsk «prapahandysckaha śpiecnazu NTV», raptoŭny ŭsplosk cikavaści da temy źnikłych — taksama častka kramloŭskaj stratehii cisku na Łukašenku. Maŭlaŭ, nie zabyvajsia pra škilety ŭ šafie.
Što ž da manieŭraŭ ADKB «Uzajemadziejańnie-2009», to maskoŭskija miedyi vysmaktali siensacyju z palca. Jak adznačaje Alesin, biełarusy pad ściaham ADKB zvyčajna ŭdzielničajuć u treniroŭkach antyterarystyčnych sił. Śpiecsłužby ž nie viedajuć miežaŭ. A kab pasyłać za miažu tysiačy sałdat, u nas prosta niama narmatyŭnaj bazy.
Pra toje, jak ładzić «Uzajemadziejańnie-2009», jašče ź viasny pieramaŭlalisia rasijskija dy kazachskija vajskovyja čyny. «Treba ž uličvać śpiecyfiku rehijona, — kaža Alesin. — Na takich manieŭrach pieravažna zadziejničajuć, naprykład, hornastrałkovyja vojski». Karaciej, biełaruskija bajcy tam nie nadta i patrebnyja.
Potym, pa płanie manieŭry raściahnuli na dva miesiacy. Naturalna, nichto nie źbiraŭsia stolki času smalić z harmat. Pieršy etap — štabnyja hulni na mapach. Nu i jak heta Minsk moh pieraškodzić maskoŭskim hienierałam malavać strełki?
Inšaja reč, što na aktyŭnuju fazu manieŭraŭ u kastryčniku mierkavałasia sabrać prezidentaŭ. I datul, kaniečnie ž, Kreml chacieŭ by ŭłamać naravistaha biełaruskaha partniora, kab padmachnuŭ tyja złaščasnyja papiery nakont KSAR. Ale kali «najazdžać», možna atrymać zvarotny efiekt.
Ci nie tamu Miadźviedzieŭ, sa słoŭ Łukašenki, patelefanavaŭ jamu z Sočy dy prapanavaŭ sustrecca na nastupnym tydni? Budzie čysta kankretny torh. Łukašenka ž vystaviŭ rachunak padčas samitu na Isyk-Kuli: adkazvajcie, za što musiać hinuć maje chłopcy!
U minskim mietro prachodziać vyprabavańni novyja ciahniki FOTY3
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju2020
Kamientary