Hłyboka ŭ lohkich žyvych ludziej znajšli čaścinki płastyku. Nieviadoma, jak heta ŭpłyvaje na zdaroŭje
Navukoŭcy ŭpieršyniu vyjavili mikrapłastyk (tak nazyvajuć maleńkija čaścinki płastyku) hłyboka ŭ lohkich žyvych ludziej. Zabrudžvańnie znajšli amal va ŭsich uzorach tkanak, što byli pradstaŭlenyja na analiz.
Navukoŭcy praanalizavali tkanki lohkich 13 pacyjentaŭ, jakija prachodzili praz apieracyi na lohkich, i znajšli čaścinki płastyku ŭ 11 ź ich. Čaściej za ŭsio sustrakaŭsia poliprapilen, jaki vykarystoŭvajuć u płastykavaj upakoŭcy, i PET (polietylentereftałat), što ŭvachodzić u skład butelek. Raniej navukoŭcy taksama znachodzili płastyk u lohkich padčas anatamiravańnia trupaŭ.
Daŭno viadoma, što maleńkija čaścinki płastyku mohuć traplać u čałaviečy arhanizm padčas dychańnia, a taksama praź ježu i vadu. U sakaviku mikrapłastyk ŭpieršyniu znajšli ŭ čałaviečaj kryvi, i heta dakazała, što čaścinki mohuć ruchacca pa ciele i adkładacca ŭ orhanach, piša Guardian.
Upłyŭ jaho na zdaroŭje pakul nieviadomy, ale viadoma, što padčas łabaratornych ekśpierymientaŭ mikrapłastyk škodzić čałaviečym kletkam. Bolš za toje, čaścinki chimičnych elemientaŭ, što vyklikajuć zabrudžvańnie pavietra, dakładna mohuć traplać u arhanizm i vyklikać chvaroby, što pryvodziać kožny hod da miljonaŭ zaŭčasnych śmierciaŭ. Tamu, mahčyma, anałahičnymi buduć i nastupstvy zabrudžvańnia płastykam.
Adna z hałoŭnych aŭtarak pracy, daśledčyca Łaura Sadofski ź Miedycynskaj škoły Chałł-Jorka ŭ Brytanii, tłumačyć, što asabliva ździviła navukoŭcaŭ: «My nie čakali, što znojdziem u nižnich dolach lohkich bolš za ŭsio čaścinak, a taksama što čaścinki, znojdzienyja tam, buduć takoha pamieru (takija vialikija — zaŭv. Red.). Heta dziŭna, bo dychalnyja šlachi ŭ nižniaj častcy lohkich bolš vuzkija, i možna było čakać, što čaścinki takoha pamieru nie zdolejuć prajści pa ich nastolki daloka».
Sadofski tłumačyć, što novaja infarmacyja — važnyja danyja dla vyvučeńnia prablemy brudnaha pavietra, mikrapłastyka i jaho ŭpłyvu na čałaviečaje zdaroŭje. Jaje možna budzie vykarystoŭvać dla dalejšych łabaratornych ekśpierymientaŭ, kab dakładna vyśvietlić, nakolki mikrapłastyk škodzić zdaroŭju.
Chvaroba Brusa Uilisa: jak raspaznać simptomy afazii i kali źviartacca pa lačeńnie
Psichołah raspaviała, jak trymacca i zachavać siabie, kali idzie vajna
«Naša Niva» adnaŭlaje zbor danataŭ — padtrymać prosta
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary