Što viadoma pra chakieista, jaki ŭdaryŭ kluškaj pa tvary Łukašenku?
U subotu, 9 krasavika, padčas finału respublikanskaha amatarskaha chakiejnaha turniru adbyłosia niečakanaje zdareńnie. Spartsmien pad numaram 7 trapiŭ kluškaj pa tvary Alaksandru Łukašenku. «Zierkało» daviedałasia, što viadoma pra «numar siem».
Što adbyłosia?
Pa danych tielehram-kanała «Puł pieršaha», u baraćbie za šajbu siomy numar kamandy supiernika trapiŭ kluškaj pa tvary Alaksandru Łukašenku. Praŭda, na videa hetaha momantu nie vidać. Bačna, jak Łukašenka ŭ niejki momant zhinajecca i trymajecca za padbarodździe. Da jaho padjazdžajuć partniory pa kamandzie, viaduć da trybunaŭ. Tam užo lekar apracoŭvaje tvar Łukašenki.
Chto hulaje pad numaram 7?
Pavodle śpisu hulcoŭ kamandy Minskaj vobłaści, chakieist pad numaram 7 ‒ heta abaronca Arciom Pučkoŭski. Viadoma pra jaho mała. Spartsmienu 33 hady, jon ź Minska. Vychavaniec minskaha «Junactva». Hulaŭ za «Junijor» (Miensk), «Viciebsk-2» i babrujski «Šyńnik», jaki byŭ jaho apošniaj prafiesijnaj kamandaj u 2010 hodzie.
Ciapier, miarkujučy pa ŭsim, Arciom Pučkoŭski ‒ mieniedžar pa pracy z klučavymi klijentami Top Toys, kampanii, jakaja źjaŭlajecca imparcioram i dystrybjutaram dziciačych cacak.
Pa danych sajta sportclub.by, u hetym siezonie za kamandu Minskaj vobłaści jon pravioŭ čatyry hulni.
Što było dalej?
Telehram-kanał «Puł pieršaha» piša, što na nastroj Alaksandra Łukašenki situacyja z kluškaj nie paŭpłyvała, i z «numaram 7 usio ŭ paradku».
U kamientaryi vydańniu mlyn.by Arciom Pučkoŭski prakamientavaŭ hety momant:
‒ Heta byŭ hulniavy momant, u zapale baraćby trapiŭ kluškaj pa tvary prezidentu. Mianie vydalili za niebiaśpiečnuju hulniu. Paprasiŭ prabačeńnia ŭ Alaksandra Ryhoraviča adrazu ž paśla matču.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary