Źjaviłasia infarmacyja pra mahčymy aryšt adnaho z kramloŭskich ideołahaŭ Uładzisłava Surkova
Były deputat rasijskaj Dziarždumy Illa Panamaroŭ napisaŭ u Fejsbuku, što, pavodle jahonych krynic, u Maskvie aryštavali Uładzisłava Surkova — byłoha daradcu Uładzimira Pucina. Panamaroŭ adznačyŭ, što Surkoŭ ciapier znachodzicca pad chatnim aryštam.
Pavodle jaho słoŭ, ciapier pravodziacca śledčyja mierapryjemstvy pa spravie ab kradziažach na Danbasie z 2014 hoda.
«Uładzisłaŭ Surkoŭ znachodzicca pad chatnim aryštam. Zaraz pravodziacca śledčyja mierapryjemstvy pa spravie ab kradziažach na Danbasie z 2014 hoda», — cytuje Panamaroŭ svaje krynicy.
Jon dadaŭ, što choć Pucin i zvolniŭ Surkova ŭ 2020 hodzie, eks-daradca rasijskaha prezidenta ŭsio jašče zastajecca tym čałaviekam, jaki razumieje realnuju situacyju ŭ tak zvanych «ŁNR» i «DNR». Tam u jaho zastalisia suviazi.
«Surkoŭ zaŭsiody byŭ dosyć blizki da Kadyrava i vidavočna, što mnohaje «akademik» nie sam vydumlaje, a vierny zapavietam Uładzisłava Jurjeviča», — piša Panamaroŭ pra jašče adnu vierahodnuju pryčynu zatrymańnia.
Blizkaści z Kadyravym mahło spryjać toje, što, niahledziačy na słavianskija proźvišča i imia, Uładzisłaŭ Surkoŭ pavodle pachodžańnia napałovu čačeniec. Jahonaha baćku zvali Andarbiek Dudajeŭ, i pieršyja niekalki hadoŭ žyćcia Surkoŭ pravioŭ u siale Duba-Jurt u Čačni, pakul maci z baćkam nie raźvialisia.
Uładzisłaŭ Surkoŭ raniej zajmaŭ pasady vice-premjera i pamočnika Pucina, jon ličycca adnym ź ideołahaŭ i natchnialnikaŭ «Ruskaj viasny» 2014 hoda, kali Rasija ŭpieršyniu pačała vajennuju ahresiju va Ukrainie z anieksijaj Kryma i pačatkam vajny na Danbasie.
Paćviardžeńnia infarmacyi pra aryšt Surkova pakul što niama.
Kiraŭnik źniešniaj raźviedki FSB, jaki adkazvaŭ za Ukrainu, pieraviedzieny ŭ SIZA
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ33
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ3
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3030
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»30
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary