Dźvie traciny pasyłak ad rasijskich vajskoŭcaŭ, adpraŭlenych z Mazyra ŭ pačatku krasavika, źnikli ź sistemy ci nie dajšli da adrasataŭ
45 z 69 pasyłak, jakija, pa infarmacyi prajekta «Baza dadzienych», adpraŭlali z Mazyra rasijskija vajskoŭcy praz servis SDEK, majuć statuty «nie ŭručanaja» albo «zakaz nie znojdzieny». U 16 vypadkach sajt SDEK vydaje pamyłku: «Zamova nie znojdzienaja», jak kali b hetaha adpraŭleńnia nikoli nie isnavała abo jano było b vydalenaje. Jašče 29 zakazaŭ majuć status «Nie ŭručanaja». Taki status prysvojvajecca, kali pasyłka była dastaŭlena pa adrasie, ale jaje «nie ŭdałosia ŭručyć atrymalniku, albo atrymalnik nie zabraŭ jaho na praciahu dvuch tydniaŭ paśla pastupleńnia». Pry hetym 17 pasyłak rasijskich vajskoŭcaŭ znachodziacca ŭ darozie, piać uručyli i dźvie čakajuć uručeńnia, piša «Miedyjazona».
U pres-słužbie SDEK «Miedyjazonie» admovilisia dać infarmacyju pra kankretnyja adpraŭleńni, patłumačyŭšy, što takija źviestki kampanija daje tolki samomu adpraŭniku na jahony zapyt abo pa «aficyjnych piśmovych zapytach orhanaŭ dziaržaŭnaj ułady, jakija vałodajuć adpaviednymi paŭnamoctvami».
«Što tyčycca statusa «Zamova nie ŭručanaja», to taki status moža davacca hruzu ŭ roznych situacyjach. Naprykład, atrymalnik nie pryjšoŭ za zamovaj; adpraŭnik adklikaŭ svajo adpraŭleńnie da ŭručeńnia atrymalniku; hruz moh trapić na skład ź nieapaznanymi hruzami, kudy traplajuć adpraŭleńni z paškodžanymi etykietkami da taho, jak ich identyfikujuć pa śpiecyjalnaj pracedury; hruz mahli pamyłkova adpravić u inšy punkt vydačy ci navat stracić i hetak dalej», — havorycca ŭ adkazie SDEKa.
Poŭnaje źniknieńnie zamovaŭ ź sistemy kampanija patłumačyła tym, što klijent moh stvaryć zamovu praz sajt, ale tak i nie adpravić jaje, abo adpravić, dy nie apłacić albo zusim zabrać pasyłku nazad.
«Miedyjazona» apublikavała kartu, kudy pavinny byli dajści adpraŭleńni z Mazyra. Taksama jaje žurnalisty zaŭvažyli napłyŭ naviedvalnikaŭ u formie jašče ŭ adnym adździaleńni SDEK — u rasijskim horadzie Navazybkaŭ pablizu ŭkrainskaj i biełaruskaj miežaŭ.
Čytajcie taksama:
Rasijskaja słužba ekspres-dastaŭki SDEK pastaviła zasłon maradzioram
Kolki zapłacili za pierasyłku rečaŭ rasijskija sałdaty-maradziory?
«My pryjšli pa svajo, Rasija — moc». Jak žychary rasijskaha Rubcoŭska reahujuć na fakt maradziorstva ziemlakoŭ
Prajekt «Biełaruski Hajun» publikuje piersanalnyja źviestki rasijskich sałdat-maradzioraŭ. Rekardsmien pierasłaŭ dachaty amal paŭtony
Jak rasijskija vajskoŭcy vysyłajuć poštaj z Mazyra narabavanaje va Ukrainie VIDEA
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta10
Kamientary