Niamiecki bundestah pieravažnaj bolšaściu hałasoŭ prahałasavaŭ za pastaŭki ciažkaha ŭzbrajeńnia Ukrainie.
Nižniaja pałata parłamienta FRH pieravažnaj bolšaściu hałasoŭ uchvaliła inicyjatyvu ab pastaŭkach ciažkaha ŭzbrajeńnia ŭ intaresach Ukrainy, paviedamlaje Reuters.
«Razam z šyrokaj ekanamičnaj izalacyjaj i błakadaj Rasii ad mižnarodnych rynkaŭ, najbolš važnym i efiektyŭnym srodkam spynić vajennyja dziejańni źjaŭlajecca aktyvizacyja i paskareńnie pastavak efiektyŭnaj zbroi i składanych sistem, uklučajučy ciažkaje ŭzbrajeńnie», — havorycca ŭ zakonaprajekcie.
Pa słovach vice-prezidenta Bundestaha Volfhanha Kubicki, zakonaprajekt byŭ padtrymany jak tryma partyjami niamieckaj kirujučaj kaalicyi, tak i apazicyjnymi kansiervatarami, i byŭ pryniaty 586 hałasami «za», 100 — «suprać», siem deputataŭ ustrymalisia.
Takim čynam Niamieččyna pieradaść Ukrainie ciažkaje ŭzbrajeńnie, u pryvatnaści, zienitnuju samachodnuju ŭstanoŭku «Hiepard», jakaja moža paražać pavietranyja celi na vyšyni da 3 km.
Da hetaha jana pastaŭlała Ukrainie procitankavuju zbroju, hranaty, bieśpiłotniki, srodki abarony i bojeprypasy z pramysłovych zapasaŭ. Samym ciažkim uzbrajeńniem byli 12 minamiotaŭ sa stralboj da 7 kiłamietraŭ.
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie30
Kamientary