Ježa

Dadajcie hetuju śpiecyju ŭ kavu — i vy zaŭsiody budziecie tak rabić

Kava — adzin z samych papularnych napojaŭ, i šmat ludziej nie ŭjaŭlajuć bieź jaje svaju ranicu. A ci viedali vy, što kava moža dziejničać jašče efiektyŭniej? Dastatkova tolki dadać u jaje adzin viadomy inhredyjent.

Fota: pixabay.com

Amatary kavy padzialajucca na dźvie asnoŭnyja katehoryi. Pieršaja ź ich lubić mocnuju i horkuju kavu, druhaja — dadaje ŭ jaje cukar, małako, viarški ci inšyja pradukty, što robiać smak kavy trochi miakčejšym.

Niekalki hadoŭ tamu była vielmi papularnaj kava z masłam i kakosavym alejem, paźniej nastała čarha kavy z sollu. A zaraz paraim vam pasprabavać dadać u kavu drobku karycy — heta nie tolki palepšyć jaje smak, ale i ŭ niekatorych vypadkach zrobiać kavu bolš karysnaj dla zdaroŭja.

U karycy šmat antyaksidantaŭ, jana maje supraćvirusnyja, antybakteryjalnyja i supraćhrybkovyja ŭłaścivaści. Heta cudoŭny srodak ad piakotki, niastraŭnaści, śpiecyja, bahataja na kalcyj, mahnij, kalij, fosfar i vitamin K. U dadatak, karyca moža źnižać uzrovień cukru ŭ kryvi.

Ale ž karyca — heta jašče nie ŭsio. Pasprabujcie padčas zavarvańnia kavy dadać u kubak škarłupinu ad jajek, i tady kalcyj u škarłupinie prybiare kisłavaty ci horki prysmak kavy i dapamoža raskryć jaje smak.

Lepiej za ŭsio vybirać škarłupinu ad varanych jajek, bo padčas varki vysokaja tempieratura źniščyć na joj usie mikroby. Dalej prosta dadajcie niekalki kavałačkaŭ škarłupiny ŭ kavu pierad zavarvańniem i, kali napoj užo budzie hatovy, dastańcie škarłupinu abo dajcie joj upaści na dno razam z kavavaj huščaj.

Narešcie, raim vam pakaštavać kavu z kakavaj. Chopić pałovy čajnaj łyžki kakavy na kubak, kab kava atrymała niepaŭtorny hłyboki vodar i cudoŭny šakaładny prysmak. U kakavie šmat mahniju, tamu jana moža dapamahčy z baraćbie ź jaho deficytam — pra hetuju prablemu viedaje šmat chto z amataraŭ kavy. Taksama ŭ kakavie jość kalcyj, žaleza i šmat białkoŭ, tłuščoŭ i vuhlavodaŭ, dziakujučy jakim kava atrymlivaje bolšuju charčovuju vartaść i lepiej upłyvaje na arhanizm, kali my pjem jaje našča.

«Našu Nivu» finansujuć jaje čytačy — padtrymać prosta

Čytajcie taksama:

Recept na vychadnyja. Biskvitny piroh ź imbiram — prosty i duchmiany

Recept na vychadnyja. Pirožnyja paštejš — vizitnaja kartka partuhalskaj kuchni

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka patłumačyŭ, čamu jaho nie vidać pa sieradach i subotach

Łukašenka patłumačyŭ, čamu jaho nie vidać pa sieradach i subotach

Usie naviny →
Usie naviny

Stała viadoma, kali možna spadziavacca na chutkasnuju elektryčku ź Minska ŭ aeraport1

U Francyi mohuć zabłakavać Bluesky i Reddit, a Makron uvohule za zabaronu sacsietak dla dziaciej3

Handlovym sietkam buduć davać ilhotnyja kredyty dla pieradapłaty za aharodninu2

Namieśnik dyrektara Vialikaha teatra Biełarusi — padpałkoŭnik milicyi3

Palitźniavolenaj Viktoryi Kulšy prysudzili jašče adzin hod źniavoleńnia2

U minskich kramach źjaviłasia maładaja bulba. Adkul i pa kolki?5

«Biellehpram» zaćvierdziŭ uzory školnaj formy na novy navučalny hod FOTY5

Mužčyna pakazaŭ u internecie školny abied. Hramadskaść aburyłasia12

U Mačuliščach abarvałasia budaŭničaja lulka, jość achviary

bolš čytanych navin
bolš łajkanych navin

Łukašenka patłumačyŭ, čamu jaho nie vidać pa sieradach i subotach

Łukašenka patłumačyŭ, čamu jaho nie vidać pa sieradach i subotach

Hałoŭnaje
Usie naviny →

Zaŭvaha:

 

 

 

 

Zakryć Paviedamić