Słužba biaśpieki Ukrainy prosić prezidenta krainy nadać akademii viedamstva imia Ramana Šuchieviča. Pra heta 4 vieraśnia paviedamiŭ presie kiraŭnik SBU Valancin Nalivajčanka.
Šuchievič byŭ kamandziram uzbrojenych farmavańniaŭ Arhanizacyi ŭkrainskich nacyjanalistaŭ i Ŭkrainskaj paŭstanckaj armii ŭ 1943-1950 hadach. Šuchievič byŭ adnoj z samych źnienavidnych postaciaŭ dla savieckaj prapahandy. Dla niezaležnikaŭ jon byŭ prykładam dla zachapleńnia. Dziakujučy vydatnaj kanśpiracyi i arhanizacyjnym zdolnaściam jon zachavaŭ padpolle bajazdatnym da 1948 hodu, a paśla taho jak vajennyja dziejańni stali prynosić zašmat achviaraŭ, zharnuŭ partyzanskuju baraćbu i jašče dva hady paśpiachova kiravaŭ nielehalnaj sietkaj. Jon zahinuŭ u bai sa śpiecyjalnaj dyviersijnaj hrupaj savieckaj biaśpieki, što palavała na jaho.
Šuchievič vyłučaŭsia absalutnym nacyjanalizmam i asabistym hierojstvam. U toj čas kali jaho ŭ Prykarpaćci łavili sotni ahientaŭ, jon z padrobnym pašpartam vyjazdžaŭ na lačeńnie na kardyjałahičny kurort pad Adesu. Pierad apošnim bojem jon moh by syści ad pahoni, kali b pakinuŭ biaznohuju maci adnoj sa svaich achoŭnic - u apošnija hady jaho achoŭvali žančyny.
Dahetul Akademija ŭkrainskich śpiecsłužbaŭ, adpaviednik biełaruskaha Instytutu nacyjanalnaj biaśpieki, nasiła imia Ivana Bahuna - kazackaha pałkoŭnika ŭ časach paŭstańnia Chmialnickaha.
-
«My całkam razumiejem, jakaja tam dziaržava». Litoŭskija pieravozčyki nie źbirajucca padavać pazovy ŭ biełaruskija sudy praz zatrymanyja fury
-
Pierad apieracyjaj zachopu Madura Vatykan prasiŭ pra jahonuju evakuacyju ŭ Rasiju
-
U Madrydzie zakryli kitajski restaran, u jakim pad vyhladam kačak ludziej karmili hałubami
Ciapier čytajuć
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy57
Dziejačy emihracyi pasvarylisia z nahody śpisaŭ zaprošanych na pryjom da prezidenta Polščy
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary