Žychar Biełastoččyny achviaruje svaju mašynu bajcam pałka Kalinoŭskaha
Žychar miastečka Łapičy na Biełastoččynie, jaki žyvie za niekalki kiłamietraŭ ad polska-biełaruskaj miažy, addaść svoj pazadarožnik biełaruskim vajskoŭcam z pałka Kalinoŭskaha, paviedamlaje Mostmedia.io.
Matevuš Vadzinski ź miastečka Łapičy ŭ Padlašskim vajavodstvie źbirajecca pieradać svoj aŭtamabil Suzuki Grand Vitara 2005 hoda vypusku biełaruskim bajcam z pałka Kalinoŭskaha. Mašyna kaštuje niekalki dziasiatkaŭ tysiač złotych.
Mužčyna razumieje, što jaho mašyna, chutčej za ŭsio, nie vierniecca z vajny i zastaniecca dzie-niebudź na paŭdniovym uschodzie Ukrainy, ale heta jaho nie strymlivaje.
— Źbirajusia addać mašynu ŭ dobraachvotnicki połk biełarusaŭ, jakija vajujuć u rajonie Mikałajeva. Pa-pieršaje, tamu što jany vajujuć suprać Rasii, jakaja ŭvarvałasia va Ukrainu.
Pa-druhoje, jany kažuć, što paśla vajny va Ukrainie zabiaruć u Łukašenki svoj dom Biełaruś. A jak viadoma, Łukašenka niasie poŭnuju adkaznaść za kryzis na našaj uschodniaj miažy, i ź im biełarusy zmahajucca da siońniašniaha dnia.
Taksama Matevuš Vadzinski viadzie dadatkovy zbor hrošaj na zakupku aŭtamabilaŭ dla ŭkrainskich vajskoŭcaŭ. Sabrana ŭžo bolš za 34 tysiačy złotych sa 100.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
U Łahojsku piekar admaŭlajecca pradavać svoj chleb pakupnikam, u jakich jość sabaki82
Kamientary