Kamandujučy łahistykaj Suchaputnych vojskaŭ Ukrainy Uładzimir Karpienka u intervju časopisu National Defence paviedamiŭ, jakija na siońniašni dzień straty ŭ Uzbrojenych siłaŭ Ukrainy ŭ braniatechnicy i artyleryi. Pa słovach Karpienki, Ukraina ŭžo straciła 400 tankaŭ, 1300 broniemašyn i 700 adzinak artyleryi.
Karpienka taksama dadaŭ, što straty techniki składajuć «30-40, časam da 50% u vyniku aktyŭnaha boju».
Jon patłumačyŭ, što kab paŭnavartasna prykryć usiu liniju frontu, dzie prachodziać aktyŭnyja bai, Ukrainie treba całkam abstalavać 40 bryhad. Na hetyja 40 bryhad ahułam treba 4 tysiačy bajavych mašyn piachoty, 1 200 tankaŭ i amal 2,2 tysiačy artyleryjskich sistem.
«Vy pavinny razumieć, što praciahłaść linii frontu składaje 2500 kiłamietraŭ. Linija frontu, dzie iduć aktyŭnyja bajavyja dziejańni, praciahłaściu bolš za 1000 kiłamietraŭ. Heta jak ad Kijeva da Bierlina», — skazaŭ hienierał.
Jon taksama dadaŭ, što mižnarodnaja dapamoha pakryvaje tolki 10—15% ad patrebaŭ ukrainskaj armii.
Miarkujučy pa padlikach niezaležnych analitykaŭ, jakija źbirajuć usie fakty źniščeńnia techniki, paćvierdžanyja fotami ci videa, pa stanie na siońnia Rasija paniesła straty ŭ technicy ŭ 2—4 razy bolšyja, čym Ukraina. Tolki straty ŭkraincaŭ u avijacyi bolšyja, čym u rasijan.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary