Rasija znachodzicca «za niekalki hadzin» da defołtu pa źniešnim doŭhu, piša ahienctva Bloomberg sa spasyłkaj na ŭmovy, prapisanyja ŭ daŭhavych abaviazalnictvach.
Pavodle ahienctva, ilhotny pieryjad dla vypłaty pracentaŭ pa jeŭrabondach na sumu kala 100 młn dalaraŭ zakančvajecca siońnia, 26 červienia.
Kali inviestary nie atrymajuć hrošy da krajniaha terminu, to ŭ paniadziełak, 27 červienia, ranicaj adbudziecca «padzieja defołtu», piša Bloomberg.
Jak adznačaje ahienctva, dla Rasii heta stanie pieršym defołtam pa źniešnim doŭhu za apošnija sto hadoŭ. A ŭvohule, apošni defołt tam byŭ u 1998 hodzie.
Pavodle zajavy Ministerstva finansaŭ Rasii, Maskva płacić doŭh u poŭnym abjomie ŭ rublach. Adnak jeŭrapiejski bank Euroclear, praź jaki pravodziacca płaciažy, nie moža kanviertavać rubli ŭ inšuju valutu, tamu kredytor ich nie atrymlivaje.
Płaciež musiŭ być zrobleny 27 maja; dalej pazyčalnik maje jašče 30 dzion na pahašeńnie doŭhu z zatrymkaj. Kali paśla hetaha kredytor nie atrymlivaje płaciež, pazyčalniku moža być abvieščany techničny defołt.
Raniej Ministerstva finansaŭ ZŠA admoviłasia praciahvać paśla 25 maja licenziju, jakaja dazvalała Rasii absłuhoŭvańnie suvierennaj zapazyčanaści ŭ zamiežnych valutach. Aficyjnaja pradstaŭnica Biełaha doma vykazała tady zdahadku, što Rasija, vierahodna, nie zmoža vykonvać svaje abaviazalnictvy i sutykniecca ź pierśpiektyvaj defołtu i statusam izhoja ŭ hłabalnaj finansavaj sistemie na praciahłuju pierśpiektyvu.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary