Hramadstva6464

Z-pad Lisičanska nie viarnulisia šeść biełarusaŭ-kalinoŭcaŭ. Apošnim paviedamleńniem było: «Na nas jedzie tank. Adpracavaŭ pa im»

Adbyłosia heta 26 červienia. Hrupa biełarusaŭ z pałka Kalinoŭskaha apynułasia na šlachu značnaj kałony rasijskich vojskaŭ i dała boj. «Nakryli ŭsim, aproč jadziernaj zbroi. Častka biełarusaŭ razam z «Brestam» prykryła adychod inšaj pałovy hrupy, «Bresta» surjozna paraniła ŭ nahu i hałavu, u hetym bai jon źniščyŭ jak minimum adzin fašyscki tank», — kažuć śviedki padziej. Da apošniaha zastavałasia spadziavańnie, što chtości vyžyŭ, i było niajasna, chto vyžyŭ. Tamu «Naša Niva» doŭha nie publikavała hetaj infarmacyi. Na siońnia viadoma, što častka bajcoŭ zahinuła, a častka trapiła ŭ pałon.

Ivan Marčuk byŭ tvaram Pałka Kalinoŭskaha. Fota telehram-kanała @belwarriors

Ivan «Brest» Marčuk pajechaŭ abaraniać Ukrainu jašče ŭ 2014 hodzie. Dalej słužyŭ u francuzskim Zamiežnym lehijonie.

Z pačatkam vajny Marčuk staŭ tvaram biełaruskaha złučeńnia imia Kastusia Kalinoŭskaha, jakoje spačatku było bataljonam, a paśla razrasłosia da pałka. Mienavita na zaklik jaho hołasu adhuknulisia sotni biełarusaŭ.

Na pytańnie, navošta jon znoŭ pajšoŭ vajavać, «Brest» adkazvaŭ: «A jak možna nie vajavać? Heta śviataja vajna — vajna za svabodu». 

Marčuk ličyŭ, što admietnaść hetaj vajny ŭ tym, što «stolki hramadzianskich uciahnuty ŭ hety žach», a samy składany boj jašče čakaje jaho napieradzie — toj boj, u jakim jon zahinie.

Marčuka identyfikavali na fota, apublikavanym rasijskim vajenkaram 30 červienia. Adnak «Naša Niva» nie davała hetaj infarmacyi, pakul nie było aficyjnaha paćvierdžańnia i byŭ niajasny los inšych bajcoŭ, źnikłych bieź viestak.

Razam z Marčukom z zadańnia nie viarnułasia jašče piać čałaviek. Połk paviedamlaje, što na dadzieny momant u ich dačynieńni viaducca pašukovyja dziejańni. Heta samyja vialikija straty, razava paniesienyja biełaruskim złučeńniem na vajnie suprać rasijskaha impieryjalizmu.

Usiaho na hety momant u roznych złučeńniach na ŭkrainskim baku zahinuli 7 biełaruskich dobraachvotnikaŭ. Pavodle infarmacyi «Našaj Nivy», usiaho ŭ biełaruskija złučeńni padali dakumienty kala 1500 biełarusaŭ. 

5 lipienia ŭ adnym z rasijskich telehram-kanałaŭ źjaviłasia videa z uziatym u pałon Janam Dziurbiejkam, pazyŭny «Trombli», z pasiołka Lasny pad Minskam. Kanał śćviardžaje, što jon nie adzin pałonieny.

«Pakolki naš bajec źjaŭlajecca kantraktnym vajskovasłužboŭcam, a nie najmitam, jon aficyjna zjaŭlajecca vajskovapałonnym, — havorycca ŭ paviedamleńni Pałka Kalinoŭskaha, raźmieščanym u jaho telehram-kanale. — 

My prykładajem usie mahčymyja srodki i namahańni, kab paviarnuć našych chłopcaŭ nazad i nie spynimsia ani pierad čym. U adpaviednaści z zahadam, atrymanym našymi vajarami, u vypadku traplańnia ŭ pałon, kab zachavać svajo žyćcio i zdaroŭje, jany pavinny kazać toje, što choča ad ich pačuć vorah», — dadaje Połk. 

Kamientary64

  • Ivan
    06.07.2022
    Viečnaja słava hierojam. A ich prach niekali pieraniasiom u Panteon nacyjanalnaj słavy ŭ Biełarusi.
  • BLR
    06.07.2022
    Śvietłaja pamiać zahibłym
    A voś pałon heta kiepska. Šakały buduć ščyravać
  • Wert
    06.07.2022
    My musim być vartymi svaich hierojaŭ.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Azaronak napisaŭ pra palitemihranta — paśla hetaha brata i baćku taho kinuli za kraty2

Azaronak napisaŭ pra palitemihranta — paśla hetaha brata i baćku taho kinuli za kraty

Usie naviny →
Usie naviny

Upakoŭki fastfudu i staryja tefłonavyja patelni — strašennaja pahroza. Ale ŭ Biełarusi ich nijak nie ŭtylizujuć. Jak bierahčysia?2

Štadleraŭskija ciahniki znoŭ vymušana mianiajuć na savieckija13

Piłot Lufthansa straciŭ prytomnaść u pavietry. Samalot 10 chvilin lacieŭ biez kiravańnia6

Tramp paviedamiŭ, što ŭ paniadziełak budzie havaryć z Pucinym17

Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie6

U Biełarusi za 5 tysiač rubloŭ pradajuć 200-rublovuju banknotu. U jaje vielmi niezvyčajny brak1

U ZŠA mohuć zapuścić realici-šou, dzie imihranty buduć spaborničać za hramadzianstva3

Zatrymali administratara biełaruskaj Vikipiedyi Maksima Lepušenku5

Biełaruski VUP vyras na 2,8 pracenta, ale tempy zapavolilisia1

bolš čytanych navin
bolš łajkanych navin

Azaronak napisaŭ pra palitemihranta — paśla hetaha brata i baćku taho kinuli za kraty2

Azaronak napisaŭ pra palitemihranta — paśla hetaha brata i baćku taho kinuli za kraty

Hałoŭnaje
Usie naviny →

Zaŭvaha:

 

 

 

 

Zakryć Paviedamić