Kiraŭnik MZS Ukrainy Kuleba: Rasija hulaje sa śvietam u «Hałodnyja hulni», i joj heta dazvolili
Kiraŭnik MZS Ukrainy Dźmitryj Kuleba ŭ zvarocie da ŭdzielnikaŭ samita G20, jaki prachodzić hetymi dniami na indaniezijskim vostravie Bali, zajaviŭ, što Rasija hulaje z usim śvietam u «Hałodnyja hulni».
Mižnarodnaja supolnaść nie pavinna była dapuścić situacyi, pry jakoj Rasija šantažuje ŭvieś śviet cenami na enierharesursy i charčavańnie, a taksama pahrozami biaśpieki, skazaŭ Kuleba pa videasuviazi.
«Pa sutnaści, Rasija hulaje sa śvietam u «Hałodnyja hulni», adnoj rukoj utrymlivajučy marskuju błakadu ŭkrainskich partoŭ, a druhoj pierakładajučy vinu za heta na Ukrainu. Rasija razhladaje zaležnaść inšych krain ad lubych vidaŭ resursaŭ jak słabaść i zaprašeńnie vykarystoŭvać hetuju zaležnaść u jakaści ryčaha dla atrymańnia vyhady dla Rasii», — zajaviŭ kiraŭnik ukrainskaha MZS.
Jon nahadaŭ, što Ukraina dziesiacihodździami hrała važnuju rolu ŭ śfiery hłabalnaj charčovaj biaśpieki. A ciapier, skazaŭ jon, kraina padviarhajecca napadu, bambardziroŭkam i maradziorstvu.
-
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany
-
«Zabłakujem usio»: u Francyi maštabnyja pratesty, amal 200 zatrymanych i transpartny kałaps
-
U Niepale vajskoŭcy častkova ŭziali pad kantrol Katmandu, kab praduchilić novyja biesparadki
Kamientary