Sučasny śviet naviazvaje vysoki temp žyćcia i prymušaje pracavać na vysokaj chutkaści. Tamu ludzi časta admaŭlajucca ad karysnych zvyčak — naprykład, ad zvyčki jeści raznastajnyja stravy. Jakija heta pryniasie nastupstvy?
Rehularnaść u charčavańni — heta nie zaŭsiody drennaje rašeńnie. Naprykład, dobra, kali vy možacie prymać ježu ŭ adny i tyja ž pramiežki dnia, kali nie prapuskajecie śniadanak, abied i viačeru. Takaja zvyčka dapamahaje rehulavać rytm pracy arhanizma i palahčaje niekatoryja bijachimičnyja pracesy, piša onet.pl.
Moža padacca, što kali jeści adny i tyja ž pradukty, heta taksama karysna dla zdaroŭja. Nasamreč heta nie tak, navat kali vaš racyjon składajecca z vyklučna karysnych praduktaŭ. Adnastajnaje charčavańnie drenna ŭpłyvaje na raznastajnaść mikraarhanizmaŭ u kišečniku, nieabchodnuju dla zdaroŭja ŭsiaho arhanizma.
Dobry sposab pakłapacicca pra kišečnuju mikrafłoru — jeści 30 roznych vidaŭ raślin kožny tydzień. Hetaja ličba moža zdavacca vielmi vialikaj, ale nasamreč vy majecie vybar z usich mahčymych vidaŭ sadaviny, harodniny, arechaŭ, złakaŭ i śpiecyj.
Reč nie tolki ŭ kišečnych bakteryjach, ale i ŭ charčovaj kaštoŭnaści praduktaŭ. Na jaje ŭpłyvaje siezonnaść praduktaŭ i ŭmovy ich vyroščvańnia, tamu ŭ rozny čas hoda varta jeści roznuju ježu. Navukoŭcy sumniavajucca, što možna zadavolić charčovyja patreby arhanizma, kali zaŭsiody jeści adno i toje ž, ale jany nie suprać taho, kab vy jeli lubimuju ježu čaściej.
Jość vielmi karysnyja pradukty, jakija, kali ich jeści šmat, mohuć naškodzić zdaroŭju. Voźmiem, naprykład, brokali — u vialikich kolkaściach hety biezumoŭna dyjetyčny pradukt moža vyklikać pavieličeńnie vahi i zapor. Nie treba zabyvać i pra toje, što zanadta vialikaje ŭžyvańnie vitaminaŭ moža mieć svaje drennyja nastupstvy.
Jak ža zrabić charčavańnie bolš raznastajnym?
- Kali vy majecie lubimyja stravy, pasprabujcie ich trochi źmianić. Možna zamianić mučnyja pradukty na bolš karysnyja: naprykład, zamiest zvyčajnaha chleba ŭžyvajcie celnaziernievy, a zamiest biełaha rysu — karyčnievy. Ci zamianicie sałatu i ahurki na zielaninu z bolš vysokaj charčovaj vartaściu, naprykład, na brokali.
- Dadajcie ŭ svoj racyjon babovyja, bo ŭ ich šmat karysnaha białku. Kali robicie prostyja makarony z sousam bałańjeze, dadajcie ŭ ich fasolu, što značna pavysić charčovuju kaštoŭnaść vašaj stravy. Babovyja asabliva važna ŭžyvać viehanam i viehietaryjancam, bo jany dapamohuć zamianić niedachop białku.
- Nie zabyvajcie ŭvodzić u racyjon karysnyja tłuščy — nienasyčanyja i palinienasyčanyja, jakija spryjajuć zasvajeńniu vitaminaŭ A, D i Je. Prosta dadavajcie ŭ vašy stravy arechi, nasieńnie i avakada.
- Kali dadać da śniadanku niekalki porcyj roznaj sadaviny, heta budzie vielmi karysna dla charčavańnia i pavialičyć u vašym racyjonie kolkaść dobrych cukraŭ. Taksama padumajcie nad tym, kab dadavać sadavinu da vašych desiertaŭ, bo jana zrobić ich smačniejšymi i bolš vitaminnymi.
Kamientary
dystrafany!