Haahski trybunał pa vajennych złačynstvach Rasii adkryjecca da kanca hoda
Mižnarodny kryminalny sud maje namier prystupić da razhladu pieršaj spravy ab vajennych złačynstvach Rasii va Ukrainie ŭžo hetaj zimoj. Jak adznačyli krynicy ahienctva Bloomberg, kančatkovaja data jašče nie ŭstanoŭlenaja, a praces moža zaciahnucca, pakolki dla padrychtoŭki spravy patrabujecca čas.

Sud pačaŭ rasśledavańnie mahčymych vajennych złačynstvaŭ va Ukrainie 2 sakavika paśla zvarotu 39 dziaržaŭ. Prakuror Karym Chan zajaviŭ, što prystupiŭ da zboru dokazaŭ hienacydu i złačynstvaŭ suprać čałaviečnaści.
Dla zboru dokazaŭ vajennych złačynstvaŭ była stvorana sumiesnaja śledčaja hrupa, u jakuju ŭvachodziać pradstaŭniki niekalkich jeŭrapiejskich sudovych orhanaŭ, u tym liku prakuratury MUS i Jeŭrajusta.
Ciapier MUS i Ukraina viaduć pieramovy ab pieradačy Kijevam u Haahu jak minimum adnaho rasijskaha čynoŭnika, jaki patrapiŭ va ŭkrainski pałon. Sa słoŭ surazmoŭcaŭ Bloomberg, jon moža zachacieć dać pakazańni suprać rasijskich kamandziraŭ.
Kamientary