Zianon Paźniak: Paznajomlusia ź Cichanoŭskaj, kali jaje aryštujuć u volnaj Biełarusi
Zianon Paźniak daŭ intervju «Radyjo Racyja», u jakim vykazaŭ, što dumaje pra kanfierencyju Novaj Biełarusi, jakuju najbližejšym časam sklikaje Ofis Śviatłany Cichanoŭskaj, i pra mahčymaść svajho ŭdziełu ŭ joj.
Na pytańnie, ci znajomy jon ź Cichanoŭskaj asabista, Paźniak adkazaŭ, što nie, i takoj patreby nie adčuvaje.
Maŭlaŭ, «mahčyma, paśla śledstva ŭ volnaj Biełarusi, kali paŭstanie pytańnie ab jaje aryšcie, tady paznajomlusia».
Zaprašeńnia na kanfierencyju jon nie atrymlivaŭ, a kali atrymaje, to praihnaruje, bo «što ŭ ich namiečana na tak zvanaj kanfierencyi, nie mieła nijakaha značeńnia, nie maje i nie budzie mieć. Heta ŭsio pustata i prafanacyja. Tamu niama pra što havaryć».
Łatuška, Cichanoŭskaja i Capkała dla lidara Kansiervatyŭna-chryścijanskaj partyi BNF — «prarasijskija hrupoŭki», jakija «zajmalisia imitacyjaj palityki». Toje ž, što jany ciapier chočuć «stvarać nacyjanalna-vyzvolny ruch, prytym sami nie źjaŭlajucca ni patryjotami, ni nacyjanalistami» — «vykanańnie peŭnaj admaški, tamu što ŭ rasijskaj palitycy i rasijskaj ahientury hetyja pryjomy viadomyja zdaŭna, jašče carskaja žandarmieryja hetym zajmałasia».
Pamianuŭšy pry hetym niadobrym słovam biełaruskich apazicyjnych palitykaŭ raniejšych časoŭ, u pryvatnaści Uładzimira Hančaryka, Alaksandra Milinkieviča i Alaksandra Kazulina, i akreśliŭšy ich jak «vorahaŭ biełaruščyny», «ahienturu» albo prosta prafanataraŭ, Paźniak vykłaŭ svaju aryhinalnuju viersiju taho, što adbyvajecca ŭ biełaruskim žyćci ciapier.
Maŭlaŭ, «u Maskvie adčuli, što ŭ pavietry visić surjoznaja prablema i stvarajucca biełaruskija vajskovyja adździeły va Ukrainie, połk Kalinoŭskaha papaŭniajecca kožny miesiac tryccaćciu asobami, stvarajucca inšyja arhanizacyi, i ciapier Maskva baicca, što ŭsia hetaja prafanacyja łopnie i źjavicca surjozny nacyjanalna-vyzvolny ruch, jaki budzie mieć svaje ŭzbrojenyja siły, svaja ideałohija jość užo, prahrama jość i ludzi jość».
I toje, što robiać u hetych umovach Cichanoŭskaja i inšyja — «heta sproba zaniać nišu i zabłytać ludskija rozumy, zabłytać biełarusaŭ».
Nacyjanalna-vyzvolny ruch, pavodle Paźniaka, «stvarajuć nacyjanalisty, stvarajuć patryjoty, ludzi, u jakich Biełaruś — i ŭ rozumie, i ŭ sercy, jakija majuć nacyjanalnuju śviadomaść, jakija dobra viedajuć, što samym zaklatym voraham Biełarusi źjaŭlajecca Rasija. Voś u hetych ludziej ničoha hetaha niama».
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
-
Dziasiatki hadoŭ ekśpiedycyj u adnym jutub-kanale. U Biełarusi prezientavali videarchiŭ Mikoły Kozienki z narodnymi tancami i abradami
-
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary