«Spačatku zajšła sansłužba, paśla MNS, a potym — milicyja». Zatrymańni na Zybickaj paśla vykanańnia pieśni «Akijana Elzy» — što viadoma?
Śpiavačka Meryjem Hierasimienka vykanała na vulicy Zybickaj u Minsku pieśniu hurta «Akijan Elzy». Heta aburyła prapahandystaŭ (mierapryjemstva nazvali «bčbšnym šabašam»), paśla čaho i artystka, i kiraŭnik bara «Słoiki-butelki» Andrej Žuk (bar ličyŭsia arhanizataram vystupu) pierastali vychodzić na suviaź.
Pa słovach adnaho z supracoŭnikaŭ bara, da ich učora zavitali ŭsie mahčymyja słužby:
«Spačatku zajšli pradstaŭniki sanitarna-epidemijałahičnaj słužby, paśla MNS, a potym — supracoŭniki Centralnaha RUUS. Sabrali ŭsich supracoŭnikaŭ na apytańnie, cikavilisia kancertam, u asnoŭnym, ci razumieli my, jakoha artysta zaprašajem. Zabrali našaha kiraŭnika i jašče adnaho novaha supracoŭnika. Nakolki my viedajem, siońnia ich buduć sudzić».
Sam bar pakul nie pracuje — znachodzicca ŭ režymie čakańnia. Kiraŭnikom «Słoikaŭ-butelek» źjaŭlajecca Andrej Žuk.
U sudzie Centralnaha rajona nam raspaviali, što jaho sprava «jašče vyvučajecca sudździoj», ale siońnia jaho pavinny asudzić. Artykuł u kancylaryi ŭdakładniać admovilisia, ale, pa słovach siabroŭ Andreja, heta moža być 24.3 KoAP (niepadparadkavańnie).
Što tyčycca Meryjem, to, pa našaj infarmacyi, jaje adpuścili da suda, jaki projdzie ŭžo ŭ paniadziełak (detali abvinavačvańnia pakul vyśvietlić nie ŭdałosia). Sama śpiavačka i jaje kalehi na zvanki nie adkazvajuć.
Varta adznačyć, što heta nie pieršy kancert śpiavački Meryjem u bary: jana vystupała na roznych inšych mierapryjemstvach u «Bankach-butelkach» i raniej, ale tolki ciapier prapahandysty nakinulisia na ŭstanovu i artystku praz toje, što jana śpieła pieśniu «Obijmi» na ŭkrainskaj movie i była apranutaja ŭ biełuju majku z čyrvonym sercam.
Meryjem Hierasimienka — minskaja śpiavačka, salistka Meriem Band. Joj 28 hadoŭ. Jana ŭdzielnica šmatlikich šou dla śpievakoŭ, u tym liku rasijskaha «Hołasa», šou «Pieśni» na TNT, ukrainskaha «Hołos krajini».
Čytajcie taksama:
«Minsk nibyta staŭ pustym». Jak ciapier žyvuć tusovačnyja Zybickaja, Kastryčnickaja i Revalucyjnaja
Ciapier čytajuć
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola2
Kamientary