«Kažu jak palitołah». Na STB stvarajuć paralelny suśviet: Łatvija pierastała vypuskać šproty, a ŭ Estonii niama čyhunki
U efiry kanała STB rehularna vychodzić prapahandysckaje šou «Pa sutnaści». Hetaja prahrama poŭnaja fejkaŭ.
U adnym z apošnich vypuskaŭ abmiarkoŭvali, jak harotna žyviecca prostym jeŭrapiejcam i jak jany ciarpiać ad svaich ža sankcyj.
Adnym sa śpikieraŭ byŭ Dźmitryj Rahaŭcoŭ, dekan fakulteta ekanomiki i prava Mahiloŭskaha dziaržaŭnaha ŭniviersiteta imia Kulašova, kandydat palityčnych navuk.
«Ja b jašče adznačyŭ toj fakt, što biełarusy ŭ paraŭnańni z našymi zachodnimi susiedziami majuć vysokuju palityčnuju kulturu, — kazaŭ Rahaŭcoŭ. — Kažu jak palitołah. U palitołahaŭ jość takaja prymaŭka: kali ty nie cikavišsia palitykaj, palityka zacikavicca vami. Palityka zavitaje ŭ vaš chaładzilnik, zalezie ŭ vaš kašalok. Tamu prezident našaj krainy na praciahu ŭsiaho svajho kiraŭnictva ažyćciaŭlaŭ hetaje ručnoje kiravańnie (z hetaha ŭsie śmiajalisia).
My bačyli pracesy reindustryjalizacyi rehijonaŭ. My bačym, što Litva, Łatvija, Estonija admovilisia ad surjoznych industryjalnych prajektaŭ. U Estonii navat, nakolki ja viedaju, niama čyhunki, tamu što niavyhadna», — chłusić łukašenkaviec.
«Dy ŭ ich zavody pa vytvorčaści šprotaŭ začynili. Zdavałasia b, čym taja Łatvija jašče viadomaja?» — dadaje viadučy prahramy Kirył Kazakoŭ.
Pačniom z taho, što čyhunka ŭ Estonii jość, jak hruzavaja, tak i pasažyrskaja. Navat niezrazumieła, adkul hetaje tryźnieńnie dacent mahiloŭskaha ŭniviersiteta ŭziaŭ.
Voś karta estonskaj čyhunki.
Na sajcie pieravozčyka Elron možna spakojna ŭziać anłajn-kvitki na roznyja maršruty. Kali ŭvieści ŭ pošuku maršrut Talin — Tartu na 20 žniŭnia, sajt vydaje takija varyjanty pajezdki ciahnikom.
Ale ŭ łukašenkaŭcaŭ svaja realnaść.
Schłusili i pra šproty. Ich u Łatvii vypuskajuć. Niekatoryja možna navat znajści ŭ biełaruskich kramach.
U rasijskich i biełaruskich prapahandysckich ŚMI lubiać paviedamlać, jak zakryŭsia niejki stary iržavy saviecki kansiervavy zavod u Łatvii, pabudavany jašče za dziedam šviedam. Ale prapahanda maŭčyć, što ŭ Łatvii isnujuć niekalki bujnych (Brivais vilnis, Karavela, Līcis-93) i šmat drobnych, fiermierskich zavodaŭ i cechaŭ pa pierapracoŭcy ryby, pryčym jakaść jany dajuć na vychadzie bolš vysokuju, čym stary saviecki zavod.
Savieckija zavody zakrylisia nie tamu, što kapitalizm drenny, a tamu, što zavody byli drennyja.
U Biełarusi taksama mnohija savieckija zavody źnikli. Voźmiem Minsk. Zavod imia Lenina, paśla pierajmienavany ŭ «Biełvar», zavod imia Kastryčnickaj revalucyi, stankabudaŭničy zavod imia Kirava, zavod aŭtamatyčnych linij, zavod imia Ardžanikidze, motaviełazavod — usie hetyja vialikija pradpryjemstvy abo spynili isnavańnie, abo źvialisia da pary cechaŭ z paraj dziasiatkaŭ supracoŭnikaŭ. Ich płoščy vykarystoŭvajucca pad ofisy, składy i kramy. Heta naturalny praces admirańnia niekankurentazdolnaha.
Toje samaje i ŭ krainach Bałtyi. Tam nichto nie admaŭlaŭsia ad industryjalnych prajektaŭ. Z pramysłovaściu, jak i sa śfieraj pasłuh, u krainach Bałtyi ŭsio ŭ paradku. Prynamsi, lepš, čym u Biełarusi. Tak, u 1990-ja tam zakrylisia asobnyja savieckija zavody, jakija byli niekankurentnazdolnyja na suśvietnym rynku i mahli funkcyjanavać tolki va ŭmovach kamandnaj ekanomiki na vajskovyja zakazy z Maskvy. U vyniku isnavańnia płanavaj ekanomiki staraja pramysłovaść technałahična adstała. Zatoje paśla adnaŭleńnia niezaležnaści novyja i sučasnyja zavody vyraśli jak hryby. Byli faktyčna z nula stvoranyja niekatoryja novyja haliny pramysłovaści.
Naprykład, u Litvie pabudavanyja zavody pa vytvorčaści aŭtamabilnaj elektroniki i łaziernaha abstalavańnia. Estonija, majučy nasielnictva, mienšaje za nasielnictva Minska, stała adnym z suśvietnych lidaraŭ u infarmacyjnych technałohijach. Kraina dała śvietu Skype, Wise, Bolt, Pipedrive i inšych IT-hihantaŭ.
«Naša Niva» — bastyjon biełaruščyny
PADTRYMAĆ
Kamientary
Ekonomika RB dobivajetsia naznačienijem niekompietientnych, małoobrazovannych, no viernych siemiejkie i umiejuŝich vrať napropałuju.
Vsia, eta, dymovaja zaviesa,o *hosudarstvieńnikach" prochodiaŝich sobiesiedovanija v KHB, dla hraždanskich činovnikov, svoditsia k parie voprosov: 1. Uvolniať niedovolnych, po prikazu budieš ?? 2. Prinimať błatnych po prikazu, na miesto uvolennych niedovolnych budieš ? Pri otvietie -da, - łojalen, błahonadiožien, profieśsionalen i "hosudarstvieńnik".
Dla siłovikov jeŝio proŝie, chvatit odnoho voprosa:
iźbivať, pytať, po prikazu łukašienko, niedovolnoje nasielenije budieš?
Pri otvietie - da, začiślen, priniat.
Pakul pa biełaruskim telebačańni raspalvajuć varožaść, adkryta prapanoŭvajuć ładzić hienacyd ukraincaŭ, łatyšoŭ, palakaŭ, estoncaŭ, spadary ŭ hetych krainach navat nie robiać pažyćciovuju zabaronu na naviedvańnie dla prapahandystaŭ dy ich siemjaŭ. Byccam ich heta nie datyčycca.