Kiraŭnik jeŭrapiejskaj dypłamatyi Žazep Barel 22 žniŭnia vystupiŭ suprać idei poŭnaj zabarony vydačy šenhienskich vizaŭ dla rasijan. Jon nazvaŭ hetuju ideju «vielmi supiarečlivaj prapanovaj» z-za taho, što roznyja krainy Jeŭrasajuza majuć roznyja pazicyi na hety kont.
«Heta vielmi supiarečlivaja prapanova. Niekatoryja krainy ŭžo pryniali peŭnyja miery ŭ suviazi z hetym, inšyja nie źbirajucca heta padtrymlivać. Ja dumaju, što zabaranić ujezd usim rasijanam — niadobraja ideja. Nam treba dziejničać bolš vybaračna», — skazaŭ Žazep Barel.
Na dumku Barela, možna zabaranić ujezd u Jeŭrasajuz viadučym rasiejskim biźniesmienam, ale nie prostym rasiejcam, jakija chočuć źjechać z Rasii.
Raniej niekalki jeŭrapiejskich krain vykazvalisia ab nieabchodnaści poŭnaj zabarony na vydaču šenhienskich viz rasijanam na ŭzroŭni ŭsiaho Jeŭrasajuza. Siarod hetych krain byli Estonija, Łatvija, Litva, Finlandyja, Polšča, Čechija i Słavakija. Adnak niekatoryja krainy ES vystupili suprać — u tym liku Hiermanija, Francyja i Niderłandy.
Dla biełarusaŭ hetaje pytańnie balučaje pieradusim tamu, što niekatoryja krainy nie schilnyja rabić adroźnieńnie pamiž hramadzianami Rasii i Biełarusi i hatovyja aŭtamatyčna pašyrać usie abmiežavalnyja zachady na abiedźvie krainy. Miž tym dla hramadzian Biełarusi, u jakoj užo dva hady razhortvajucca i nie źbirajucca spyniacca palityčnyja represii, mahčymaść mieć šenhienskuju vizu moža stać u peŭnych umovach litaralna pytańniem žyćcia i śmierci.
Ciapier čytajuć
Na svoj dzień naradžeńnia Zialenski z Naŭrockim, Naŭsiedam i Cichanoŭskaj u Vilni ŭšanuje pamiać Kastusia Kalinoŭskaha2
Kamientary