U Połacku były manastyr XVII stahodździa hatovyja addać inviestaram zadarma
U Połacku šukajuć inviestaraŭ dla korpusa byłoha manastyra XVII stahodździa. Addać budynak hatovyja zadarma, paviedamlaje Kamitet dziaržaŭnaj majomaści Viciebskaha abłvykankama.
U abjavie «Viciebskabłmajomaści» skazana, što korpus byłoha manastyra biernardyncaŭ znachodzicca na bierazie Dźviny. Ułady raźličvajuć, što histaryčny budynak pryjdziecca darečy dla inviestycyjnaha prajekta.
Manastyr ličycca pomnikam architektury, hodam jaho pabudovy paznačany 1695-y. Na jahonaj terytoryi z časam źjavilisia kuźnia, piakarnia, brovar i stajnia. Akramia taho, manachi dahladali tut ułasny sad i aharod.
Pakul inviestary nie śpiašajucca zabirać budynak. Miarkujučy pa fota, jano patrabuje nadta surjoznych finansavych układańniaŭ. Ale ŭ dziaržstruktury padkreślivajuć, što pałova abjektaŭ u rehijonie, jakija nie vykarystoŭvalisia i byli prapanavanyja inviestaram u hetym hodzie, užo znajšli novych ułaśnikaŭ.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB26
Kamientary