Z barysaŭskaj rajonki zvolniłasia hałoŭnaja redaktarka — u efiry praŭładnaha błohiera jana skardziłasia na prablemy ŭ horadzie
Z barysaŭskaj rajonnaj haziety «Adzinstva» syšła hałoŭnaja redaktarka Kaciaryna Vierabjova. Na pačatku červienia jana dała intervju praŭładnamu błohieru Alaksieju Holikavu, dzie paskardziłasia na prablemy rajcentra.
23 žniŭnia Vierabjova apublikavała ŭ Instagram fota pracoŭnaj knižki i padpisała jaho: «Bolš nie hałoŭred «Adzinstva». A taksama pracytavała vierš Jaŭhiena Jeŭtušenki pra «nie nado bojaťsia byť čiestnym, no bitym, a nado bojaťsia byť łživym i sytym».
Pryčyny sychodu jana nie patłumačyła.
U intervju Holikavu Vierabjova skardziłasia, što rajcentram nie nadajuć dastatkova ŭvahi («kali prajechacca pa rehijonach — usio nie tak pryhoža»), u Barysavie nijak nie pabudujuć novuju palikliniku dy i darohi kiepskija.
«Našaj Nivie» raskazali, što ŭ redaktarki «Adzinstva» paśla hetaha intervju ŭźnikli peŭnyja prablemy, a linija dyskusii Holikava nahadała adkaznym za ideałohiju «styl rańniaha Cichanoŭskaha».
Čytajcie taksama:
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
«Nabirała vadu z unitaznaha bačka dla hatavańnia, myćcia». Hanna Bond ščyra raspaviała pra ciažkaje dziacinstva13
Kamientary