U suviazi ź niespryjalnymi mieteaŭmovami namiečanaja na 25 vieraśnia padčas vučeńniaŭ «Zachad‑2009» pasadka na aeradromny ŭčastak darohi (AUD) MiH‑29UB i Su‑25UB biełaruskich VPS i vojskaŭ SPA admieniena.
Źniščalnik i šturmavik imitujuć zachod na pasadku, projduć nad darohaj na vyšyni kala 100 m, skazaŭ surazmoŭca ahienctva.
U palotach z vykarystańniem AUD zadziejničany ekipažy 927‑j źniščalnaj avijabazy (Biaroza, Bresckaja vobłaść) i 206‑j šturmavoj avijabazy (Lida, Hrodzienskaja vobłaść). Avijacyjnaje prykryćcio rajona palotaŭ buduć ažyćciaŭlać viertaloty Mi‑24 181‑j bajavoj viertalotnaj bazy (Pružany, Bresckaja vobłaść).
Mety mierapryjemstva — adpracoŭka pytańniaŭ vykarystańnia ŭčastkaŭ aŭtamabilnych daroh u jakaści zapasnych aeradromaŭ i aeradromaŭ raskancentravańnia avijacyi, padrychtoŭka lotnaha składu da vykanańnia palotaŭ z aeradromnych učastkaŭ daroh.
U zabieśpiačeńni palotaŭ buduć zadziejničany roznyja voinskija čaści, padraździaleńni i słužby VPS i vojskaŭ SPA. Na asabovy skład padraździaleńniaŭ vojskaŭ suviazi ŭskładzieny zadačy zabieśpiačeńnia radyjosuviazi, na padraździaleńni radyjotechničnych vojskaŭ — radyjołakacyjny kantrol palotaŭ avijacyi pa zadadzienych maršrutach, vydača radyjołakacyjnaj infarmacyi na punkty bajavoha kiravańnia avijacyjaj. Padrychtoŭkaj uźlotna‑pasadačnaj pałasy, zapraŭkaj samalotaŭ, ažyćciaŭleńniem maskiroŭki avijacyjnaj techniki i srodkaŭ naziemnaha zabieśpiačeńnia ahulnaha prymianieńnia paśla pasadki samalotaŭ buduć zajmacca padraździaleńni inžynierna‑aeradromnaha, techničnaha i tyłavoha zabieśpiačeńnia.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA105
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary