Voś što treba viedać pra toje, ci mohuć zaćviłyja pradukty škodna paŭpłyvać na ježu, što lažyć kala ich. Ci treba vykidać takija pradukty?
Ekśpierty kažuć, što adzin ćviły jabłyk sapraŭdy moža sapsavać inšyja, kala jakich jon lažyć, ale na heta treba čas. Navat kali pradukt dakranaŭsia da ćviłoj ježy, jaho možna vymyć i spakojna źjeści. Ale ž jość rečy, jakija važna pry hetym uličvać, piša Huffpost.
Ćvil zvyčajna raspaŭsiudžvajecca praź pieranos spor u pavietry, jaje mohuć taksama pieranosić vada ci nasiakomyja. Voś čamu ćvil moža lohka pieranosicca, naprykład, z adnaho pamidora na druhoha, jaki dakranajecca da jaje. Tamu najlepšy vybar — vykinuć pradukt, na jakim źjaviłasia ćvil, i ahledzieć pradukt, jaki lažaŭ pobač ź im. Kali na im taksama ćvil, ci jon źmiak, u jaho pamianiaŭsia koler, to jaho taksama varta vykinuć.
Jość vidy ćvili biaśpiečnyja dla zdaroŭja, časam jany navat robiać ježu bolš kaštoŭnaj — zhadajcie toj ža samy syr ź ćvillu. Ale jość i vidy ćvili, što vyklikajuć surjoznyja chvaroby, vyłučajuć bakteryi i taksiny, jakija škodziać zdaroŭju.
Kali plamka ćvili małaja, to jaje možna prosta vyrazać, a reštu płoda — źjeści. Tak byvaje, naprykład, na harodninie typu kapusty, bałharskaha pierca ci morkvy. Ale starajciesia nie dakranacca nažom da samoj ćvili, kab nie zanieści jaje na zdarovuju častku praduktu.
Nikoli nie niuchajcie ćviłoj ježy, bo tak vy možacie ŭdychnuć spory ćvili, što moža vyklikać reśpiratornuju chvarobu. I navat kali pradukt vyhladaje narmalna abo kali vy vyrazali ź jaho ćvil, heta nie aznačaje, što pradukt całkam biaśpiečny, bo niekatoryja škodnyja mikraarhanizmy nijak siabie nie prajaŭlajuć.
Kab siabie zaścierahčy, myjcie sadavinu i harodninu i starajciesia nie jeści jaje syroj. Taksama lepiej trymać syroje miasa i inšyja syryja pradukty asobna ad pryhatavanych.
Kali ž vy ŭsio-taki źjeli niešta ćviłoje i ŭ vas źjavilisia simptomy alerhii, źviarniciesia da doktara. Simptomy alerhii na ćvil — raptoŭnaja dychavica, młosnaść, lichamanka abo dyjareja.
Ci možna jeści ćviłuju ježu?
Jak pamienšyć charčovyja adkidy? Ułasny dośvied
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary