10 vajennapałonnych z roznych krain, jakija zmahalisia padčas vajny za Ukrainu, vyzvalenyja z rasijskaha pałonu. Dabicca hetaha ŭdałosia pry pasiarednictvie naślednaha prynca Saudaŭskaj Aravii, piša Reuters.
Aficyjny pradstaŭnik Saudaŭskaj Aravii paviedamiŭ, što ŭ śpis vyzvalenych patrapili hramadzianie ZŠA, Vialikabrytanii, Šviecyi, Charvatyi i Maroka.
Samalot z byłymi źniavolenymi ŭžo pryziamliŭsia ŭ Saudaŭskaj Aravii. Siarod ich — piaciora brytancaŭ, marakaniec, švied, charvat i dvoje hramadzian ZŠA. Paśla prachodžańnia nieabchodnych pracedur jany adpraviacca ŭ svaje krainy. Imiony vyzvalenych z pałonu i inšyja padrabiaznaści ŭłady Saudaŭskaj Aravii nie raskryvajuć.
Nahadajem, što hramadzianie Vialikabrytanii Ejden Aślin i Šon Piner byli prysudžany ŭ «DNR» da śmiarotnaha pakarańnia. Pry hetym u Kramli zajaŭlali, što jany nibyta najmity, a nie vajskoŭcy, tamu na ich mižnarodnaje prava nibyta nie raspaŭsiudžvajecca. Ale heta była tolki volnaja interpretacyja rasijskaha boku.
Ministr achovy zdaroŭja Brytanii paćvierdziŭ, što prysudžany da śmiarotnaha pakarańnia Ejden Aślin — siarod vyzvalenych.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary