U Vilni pa palityčnych mierkavańniach admianili kancert biełaruskaha arkiestra
U Vilni admianili kancert biełaruskaha arkiestra Classic Energy orchestra, jaki pavinien byŭ prajści 24 vieraśnia. Litoŭski palityk Davile Šakalenie zajaviła, što vystup biełaruskaha kalektyvu niedapuščalny, pakolki Minsk padtrymlivaje rasijskaje ŭvarvańnie va Ukrainu, a dyryžor Juryj Karavajeŭ taksama zaniaty ŭ Dziaržaŭnym akademičnym simfaničnym arkiestry i takim čynam «słužyć režymu». Pra heta paviedamlaje «Zierkało» sa spasyłkaj na LRT.
Pieršapačatkova kancert byŭ pryznačany na 23 krasavika, adnak paśla pieraniesieny na 24 vieraśnia. Ciapier na sajcie kancertnaj zały, dzie pavinien byŭ prajści kancert Classic Energy orchestra, źjaviłasia abjava administracyi ab tym, što mierapryjemstva admienienaje.
Nie pryniata pad uvahu i toje, što kalektyŭ zajaŭlaje, što jaho muzyki suprać vajny, nie padtrymlivajuć ahresiju i hatovyja prapanavać udzieł u svaich prajektach ukrainskim vykanaŭcam.
«Dumaju, što ŭsim i kožnamu zrazumieła, što kultura siońnia źjaŭlajecca miakkaj siłaj aŭtarytarnych režymaŭ. Vykanaŭca, jakim apiakujecca Łukašenka, nie jość pažadanaj piersonaj u Litvie», — zajaviła ŭ efiry LRT člen parłamienckaha kamiteta pa nacyjanalnaj biaśpiecy i abaronie Davile Šakalenie.
Minsk siońnia viečaram pahruziŭsia ŭ ciemru. Paśla zahadu Łukašenki40
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary