Łatvija denansavała pahadnieńnie ab inviestycyjach ź Biełaruśsiu
Łatvija razarvała pahadnieńnie ź Biełaruśsiu ab sadziejničańni i abaronie inviestycyj, paviedamlaje ahienctva Baltic News Network.
Siejm Łatvii 6 kastryčnika pryniaŭ zakon, jakim denansavana pahadnieńnie ź Biełaruśsiu ad 1998 hoda ab zaachvočvańni inviestycyj. Denansavanaja damova praduhledžvała prava adnaho z bakoŭ pieradavać sprečki ź inšym bokam z nahody inviestycyj, zroblenych na jaje terytoryi, u orhan pa ŭrehulavańni inviestycyjnych sprečak. Adnak heta pahadnieńnie nie adpaviadaje pryncypam biaśpieki inviestycyj Jeŭrapiejskaj kamisii, ličać raspracoŭščyki zakona.
U I kvartale 2022 hoda abjom inviestycyj ź Biełarusi ŭ Łatviju dasiahnuŭ 92 młn jeŭra, tady jak łatvijskija inviestycyi ŭ Biełaruś aceńvajucca ŭ 45 młn jeŭra. Zakanadaŭcy ŭ Łatvii kamientujuć, što, uličvajučy suadnosiny inviestycyj bakoŭ, kraina schilnaja da bolš vysokaj ryzyki sudovych pazovaŭ u vyniku skarhaŭ biełaruskich inviestaraŭ.
Tym nie mienš, Biełarusi nakiravana apaviaščeńnie ab denansacyi pahadnieńnia. Jano stracić ŭsiu jurydyčnuju siłu praz 12 miesiacaŭ. Abarona inviestycyj budzie praciahvacca jašče 20 hadoŭ.
Raniej paviedamlałasia, što Łatvija maje namier skasavać pahadnieńnie ź Biełaruśsiu ab asnoŭnych pryncypach pryhraničnaha supracoŭnictva.
Čytajcie taksama:
Urad Łatvii źbirajecca skasavać pahadnieńnie ź Biełaruśsiu ab uzajemnych pajezdkach hramadzian
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary