Narviežski nobieleŭski kamitet siońnia abjaviŭ u Osła łaŭreataŭ Nobieleŭskaj premii miru za 2022 hod. Imi stali biełarus Aleś Bialacki i pradstaŭniki pravaabarončych arhanizacyj «Miemaryjał» z Rasii i «Centr hramadzianskich svabod» z Ukrainy. Heta druhaja Nobieleŭskaja ŭznaharoda za historyju Biełarusi. Pieršuju ŭ 2015 hodzie atrymała piśmieńnica Śviatłana Aleksijevič.
Na premiju štohod pretendujuć sotni kandydataŭ. Siarod ich sioleta byli Suśvietnaja arhanizacyja achovy zdaroŭja, «Reparciory bieź miežaŭ», rasijski apazicyjny palityk Alaksiej Navalny, bijołah i piśmieńnik Devid Etenbara. Taksama ŭ śpisie fihuravali Hreta Tunbierh, Bił Hiejts, ministr zamiežnych spraŭ Tuvału Sajman Kofe i Śviatłana Cichanoŭskaja.
U pazaminułym hodzie Nobieleŭskuju premiju miru atrymała Suśvietnaja charčovaja prahrama AAN za «vysiłki ŭ baraćbie z hoładam, za ŭniosak u dasiahnieńnie miru ŭ zonach kanfliktaŭ i za dziejnaść u jakaści viadučaj siły ŭ dziejańniach, što praduchilajuć vykarystańnie hoładu jak zbroi vajny ci kanfliktaŭ». U minułym — dva žurnalisty, rasijanin Dźmitryj Murataŭ i filipinka Maryja Resa.
Zhodna z zapavietam Alfreda Nobiela, premija miru prysudžajecca asobie ci arhanizacyi, «jakaja najbolš i najlepš za usich papracavali dla ŭmacavańnia braterstva pamiž narodami, dla taho, kab raspuścić ci skaracić dziejnyja armii, albo tamu, chto spryjaŭ praviadzieńniu mirnych pieramovaŭ».
60-hadovy Aleś Bialacki dva tydni tamu adznačyŭ svoj jubilej u turmie. Ën z 2021 hoda znachodzicca ŭ źniavoleńni za svaju pravaabarončuju dziejnaść. Bialacki nie pieršy raz u źniavoleńni. Ułady ŭžo aryštoŭvali jaho na pačatku 2010-ch. Ale jon nie pakinuŭ spravy svajho žyćcia — pravaabarončaha centra «Viasna», jaki jon stvaryŭ u 1996-m.
Aleś Bialacki byŭ adnym z pačynalnikaŭ ruchu za niezaležnaść Biełarusi jašče na pačatku 1980-ch. I staŭ adnym ź simvałaŭ baraćby biełaruskaha naroda za svabodu, pravy i suprać vajny.
Čytajcie taksama:
Chto taki Aleś Bialacki — biełaruski pravaabaronca, jaki atrymaŭ Nobieleŭskuju premiju?
Žonka Alesia Bialackaha: Bajusia spadziavacca
Śviatłana Cichanoŭskaja: Aleś Bialacki — honar biełarusaŭ
Staršynia Narviežskaha Nobieleŭskaha kamiteta zaklikała biełaruskija ŭłady vyzvalić Bialackaha z turmy
Alesiu Bialackamu — 60 hadoŭ. Užo 14 miesiacaŭ jon znachodzicca za kratami
Bialacki ź SIZA: Rasijskich sieryjałaŭ tut nahladzieŭsia da kanca žyćcia, ale z zachapleńniem saču za Lihaj čempijonaŭ
Aleś Bialacki pra vybary: Miljony ludziej u Biełarusi žadajuć źmienaŭ
Aleś Bialacki ŭ «Toku»: pra zonu, svaje nakołki i prezidenctva VIDEA
Aleś Bialacki: Što ja vynies z turmy
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy14
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary