Biełaruskija čyhunačniki paćvierdzili: tanki ŭ Oršy — biełaruski stratehičny rezierv, jaki pierakidvajuć u Rasiju
Učora źjaviłasia paviedamleńnie, što na stancyi «Orša» byŭ zaŭvažany ešałon z tankami, jaki nakiroŭvaŭsia ŭ bok RF. Na videa byli bačnyja nie mienš za 12 tankaŭ T-72A. «Biełaruski Hajun» vykazaŭ mierkavańnie, što takim čynym Łukašenka pačaŭ pieradaču Rasii ciažkaj braniatechniki, źniataj z zachoŭvańnia. Siońnia čyhunačniki paćvierdzili hetuju viersiju. Pavodle apublikavanaha hrafika ruchu hetaha ešałona, tanki jeduć na Danbas.
Siońnia @belzhd_live apublikavaŭ chranałohiju ruchu ešałona, jaki byŭ źniaty ŭ Oršy.
Paćvierdžana, što 1 kastryčnika 2022 hoda hrupa z 72-ch pustych płatformaŭ prybyła z čyhunačnaj stancyi «Hotnia» (Biełharadskaja vobłaść, RF) na stancyju «Urečča» (Lubanski r-n, Minskaj vobł., RB).
Mienavita ŭ miastečku Urečča znachodzicca 969-ja baza reziervu tankaŭ. Tam byli źniatyja z zachoŭvańnia i pahružanyja na płatformy tanki T-72A.
Učora, 9 kastryčnika, pieršaja hrupa tankaŭ T-72A ŭ kolkaści 20 adzinak adpraviłasia na stancyju Uśpienskaja (Rastoŭskaja vobłaść, RF), heta pryfrantavaja zona.
Dalej — u kirunku Daniecka (raźlikovaja data prybyćcia — 19 kastryčnika 2022 hoda).
Kanał @belzhd_live taksama pryvodzić maršrut hetaha ešałona na ŽD-stancyju «Uśpienskaja»: Urečča (BČ) — Asipovičy-1 (BČ) — Mahiloŭ-1 (BČ) — Orša-Centralnaja (BČ) — Asinaŭka (BČ) — Krasnaje (Rasčyhunka) — Vałucina (Rasčyhunka) — Bransk-Lhoŭski (Rasčyhunka) — Lhoŭ-Kijeŭski (Rasčyhunka) — Atrožka (Rasčyhunka) — Novačarkask (Rasčyhunka) — Uśpienskaja (Rasčyhunka). Praciahłaść maršrutu — 2001 km.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary