«Baćka naš Bandera». Ukraincy pamianiali staŭleńnie da AUN-UPA — sacapytańnie
Stanoŭčaje staŭleńnie ukraincaŭ da dziejnaści AUN-UPA pačynajučy z 2013 hoda vyrasła z 22% — da 43%, śviedčać vyniki apytańnia Kijeŭskaha mižnarodnaha instytuta sacyjałohii, paviedamlaje «Ukrainskaja praŭda».
U toj ža čas za hety pieryjad bolš čym u 5 razoŭ źmienšyłasia kolkaść tych, chto niehatyŭna aceńvaje dziejnaść AUN-UPA — z 42% da 8%.
Taksama z 27% da 37% pavialičyłasia kolkaść tych, chto abraŭ varyjant «ciažka skazać dakładna, niehatyŭna ci pazityŭna».
U 2013 hodzie va ŭsich rehijonach, akramia zachodnich, było bolš tych, chto niehatyŭna aceńvaŭ dziejnaść AUN-UPA. U 2022 hodzie dola tych, chto aceńvaje jaje stanoŭča, pieravažaje dolu tych, chto aceńvaje niehatyŭna.
U toj ža čas zachoŭvajecca tendencyja, što čym dalej na zachad, tym bolš vyraznyja stanoŭčyja acenki. Tak, u zachodnich rehijonach 57% aceńvajuć stanoŭča suprać 4%, jakija aceńvajuć niehatyŭna.
U centry suadnosiny ŭžo 43% suprać 6%, na poŭdni — 37% suprać 11%, na ŭschodzie — 27% suprać 16%. Na poŭdni i ŭschodzie bolšaść faktyčna albo vybirali varyjant «ciažka skazać dakładna, stanoŭča ci admoŭna» abo (radziej) «nie viedaju».
Padobnyja źmieny i ŭ razrezie ŭzrostu. Va ŭsich uzrostavych katehoryjach prasočvajecca palapšeńnie staŭleńnia da AUN-UPA i ciapier siarod usich uzrostavych katehoryj dola tych, chto stanoŭča aceńvaje, pieravyšaje dolu tych, chto aceńvaje niehatyŭna.
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
-
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1717
Kamientary